街坊食堂~ 靚煲皇
係旺角街市向大角嘴方向有個圓圓的天橋
每次都係坐車經過，從來未試過係個度行過
朋友搬左去大角咀，今次有機會去圓圓天橋底了~
呢間係圓圓天橋底的靚煲皇，一聽個名就知係以打邊爐為主啦
幾曾何時，乜煲皇，物煲皇開到成行成市，雖然熱潮過左，不過打邊爐依然是香港人的至愛呀~
尤其呢間靚煲皇門前有一大塊空地可以坐係度打邊爐，冬天一邊吹風一邊對住個爐滾下滾下，勁有風味呀~
呢間靚煲皇除左打邊爐外其實仲有唔少野熟食同海鮮，刺身
不過今次主要係打邊爐就無叫到了。
呢度仲有USB 可以俾人叉電添，好細心呀~HAHA
估唔到一間小菜坊都有自己LOGO濕紙巾呀~
今日咁熱，當然要坐室內啦，室內其實唔算好大，只有五圍度
我一坐底見到呢盤野就即刻加分了~
呢盤係大家打邊爐至愛，可以見到全部料都好FRESH，D芫茜蔥好翠綠，無黑無爛
辣椒全部新鮮切，D辣椒籽都無甩，仲緊緊痴住D皮。
仲有呢度既花生同甜酸青瓜蘿蔔都好好味呀，我食左2杯~HAHA
今次我地3個女仔叫左個鴛鴦窩，一邊係蕃茄湯底，一邊係麻辣湯底
呢度既湯底只係78蚊咋
但湯底既料總對唔少野架，眼見佢已經放滿哂料
麻辣個邊仲有豬紅，好正宗呀~
而且越食越出味，食到中段D麻辣開始滲出黎~越食越有味
呢個窩，我地3個女仔食左一個鐘~XD
因為。。。。我地既枱漏左單~
其實呢度是家庭式經營，樓面係D嬸嬸婆婆為主
佢地好細心咁照顧你，就好似返左去婆婆屋企食飯咁~HAHA
婆婆們好堅持上哂一枱菜先上一枱
所以我地要等其他枱上哂菜先到我地~
咁樣既話就唔會上漏菜，不過一漏，就成張單會漏哂囉~HAHA
不過傾下食下，好快等到D餸黎啦~
呢度既本地手切牛肉係餐牌上有分幾種，問左後其實只係大中細既分別
我地得3個女仔，叫左個細~ 好似98蚊 (都幾大碟呀)
呢隻牛肉望落有根，但一D都唔韌
我用麻辣湯底個邊都食到牛味
女仔嘛，當然要多D膠質啦，所以我地叫左墨魚滑同花膠
墨魚滑好彈牙，好實淨，碌完都鬆散，亦無食到成舊粉~
至於個花膠呢，同我想像既有D出入，好薄，好易熟，但都好易唔見~HAHA
我都係鐘意食花膠桶多D~
唔知幾時開始香港人打邊爐多左樣，叫"響鈴"，我自己就十分鐘意
尤其係佢吸左D麻辣湯底一齊食，超級好味呀~
所以食響鈴，記得要打到中段，等個湯底出哂味先好食，太早食個湯唔夠味架~
打邊爐，我一定要食餃同菜
呢度既餃幾好食，入面既肉唔會霉既，皮都唔會溶到一PAT PAT
話說家下好多鋪頭都用大陸來貨，想食到好味既新鮮好味既餃都唔係易事~
至於個雜菜籃呢~ 其實只有白菜同生菜2種菜，連個粟米都無，(最後我地叫多左個淨粟米~HAHA)
雖然菜係幾新鮮，不過種類實在太少了，唔可以叫雜菜囉，只可以叫雙併菜籃~
最搞笑係埋單個陣，阿嬸嬸話要請我地食茶粿
其實我地都好飽，同埋我又麻麻鐘意食，於是話唔使啦，但佢好熱情咁一定要送
點知上枱時係~........
呢個，就係嬸嬸口中的茶粿了~HAHA
其實佢係由日本運來的芒果味雪米滋，皮比平時的雪米滋硬D 。
不過係嬸嬸既世界，所以甜點都叫茶粿吧~HAHA
呢個靚煲皇唔係大集團式既出品，有一份街坊既風味，
食物都好新鮮，睇得出店鋪既誠意，起碼食物唔係倒模咁整出黎~
嬸嬸婆婆們都好細心，不時過黎執野，食哂D青瓜又肯俾我REFILL
最開心係全部既人一齊坐係度睇武則天，睇哂先至埋單走人
又唔會被人催你走
就好似舊時屋邨的街坊食堂
呢D感覺，係依家D大商場連鎖食肆係永遠搵唔到架啦~
靚煲皇 Supreme Hot Pot
大角咀塘尾道18號嘉禮大廈地下
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言