浪漫的消費~
是夜和老公拍拖去街
兩口子當然要找一間浪漫的餐廳啦~
去了棉登徑的
Dabyida Restaurant and Bar
這一間就係BAR和餐廳的混合體~
黑黑暗暗的燈光配合枱上的燭光,蠻有情調的~
因為係BAR, 所以入門處裝有一個很專業的酒櫃呢~
可惜我們推門進去時,竟然沒有職員在 門口處安排
原來全部走到去後面出菜或招呼客人
感覺怪怪的, 就係進入了別人的家而主人在睡房的感覺~@@
每張枱都預放了2枝水,但要收費的~
可以選揀唔開,不過唔會另外俾水你~感覺有點兒..............
主食大致有意粉,PIZZA, 扒類及意大利飯
全部都係散叫,無套餐的~
扒類都要二百多,算是中等的價錢
當然也有前菜,沙律這些
不過前菜都要百幾元一客,感覺蠻貴的~
既然係酒吧,酒類當然也不少
可能要配合意式野(意粉 PIZZA, 意大利飯, 呢度既紅, 白酒主打都係意大利酒
當然,仲有其他既COCKTAIL 同佢自己調的HOUSE COCKTAIL 啦~
不過一杯COCKTAIL 都要一舊水囉~
但無水飲,所以都點左杯 PINA COLADA FROZEN COCKTAIL
呢杯野, 基本上一個字, 淡~
酒精係有的, D雪溶解後D酒味仲勁,
不過椰汁得好少,勁淡,而菠蘿味係無既~
香煎法國鵝肝配鳯梨,陳醋汁
雖然呢碟野成 170蚊,不過呢個鵝肝真係有夠大
大到唔覺自己食緊鵝肝~
外面脆得黎有少少硬,內就有D似食豬膶既感覺~ 可能太大舊了
菠蘿處理得幾好,燒過後都唔太酸,而且可減去鵝肝的油膩感~
不過個陳醋真係好少,得3點~
茄子蕃茄水牛芝士PIZZA
本黎以為係用日式細茄子 或者泰國茄子仔
點知佢堅係用中國茄子~ 茄子味真係好出
不過水牛芝士味同蕃茄就好似無咩味咁~@@
感覺成個PIZZA都無咩味~ 要加番D黑椒調味先好D
個餅底係餅干底黎,唔係搓出黎個D
不過個邊都幾夠脆身~
燒安格斯牛扒配黑松露燒汁
安格斯牛扒ORDER 五成熟,不過唔係好生個隻, 無血水,啱啱好
好彩ORDER MEDIUM, 我估七成既話會好UN,
因為家下五成, 燒過既外皮都要咬一陣
雖然話係燒,不過唔知係咪俾D汁淋左,無咩焦香味
個燒汁好濃,濃到食唔到有黑松露既味
如果黑松露落牛扒, DRESSING ON THE SIDE 會好好多~
反而值得一選係伴菜的菠菜好好味
無左平時的菠菜的嚡口,仲有調過好甜的味道~ 添
不過埋單2個人成八百幾蚊~都唔算平~
咁既價錢,可以選擇既都唔少
Dabyida Restaurant and Bar
尖沙咀棉登徑5-6號舖地下
如要聯絡本人,請電郵至: smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言