遺憾少了一對高跟鞋~ Gaylord Indian Restaurant

-
尖沙咀有好多咖喱的餐廳，
不過想坐得舒服，環境又靚，我揀呢間~


呢間位於亞士厘道的GAYLOAD 已經開左幾多年
雖然近幾年亞士厘都變翻天，好多舊店都無左
但佢依然仲係度，證明的確係有D料

最近天氣好悶熱，搞到個人都無咩胃口
食D重味少少既咖喱就最啱

比起之前去既印式餐廳，呢間裝修得最有格調

一入門面已經見到2張吧枱，唔係間間印度餐廳會見到

呢度的裝修傳統中帶點西式


淨係呢排半圓形的梳化就已經感覺到好高貴
一班女人坐係度飲紅酒，食飯，感覺好 SEX AND THE CITY~


今日七點幾上到黎，已經坐滿八成咁滯~ 
仲有好多外藉人仕添~


D待應個個都著哂制服，好鬼SMART~

呢度最特別既，就係有LIVE，無錯，係印度歌LIVE BAND
唔理識唔識聽，總之聽住印度歌，食住印度野，特別有印度味~XD 


環境OK，價錢又點呢？
呢度既野食以尖咀餐廳黎講唔算貴~ 普通一餐飯價錢


SET DINNER 由百幾蚊至三百幾都有~

有D餸有2人, 4人分量，人少少最好~
另一樣最特別的是 呢度既素菜 係不帶洋蒽和蒜頭~
(我同朋友諗左好耐，唔係中國佛教先戒得咁清咋咩？)

先黎既印式前菜

胡椒餅


餅香脆，胡椒味不重，但沾上薄荷醬還是有風味
薄荷醬夠清香突出~ 不會悶悶地
另外既醬，其實我到依家都唔知叫咩名 (上網都搵唔到)
佢係用唔同既果實，果皮之類整成，有少少辣, 係果皮辣味個種
食過唔少鋪頭都有呢隻醬。呢度既醬感覺幾新鮮， D果實唔係爛溶溶的~


點飲品時，我同朋友都點了SALT LASSI

待應哥哥同我地講會好SOUR, 好擔心我地飲唔慣，
於是要左一杯試試先~


其實比起SWEET, SALT 我更鐘意 (其實平時都有飲開啦)
呢度既LASSI  濃淡適中，其實幾美味，SALT 味仲有少少解辣既效果~
就算飲到尾，無咁凍，依然可口，唔會飲到好多粉咁~

今日兩個女人仔，叫左3個餸，都係未食過既新嘗試~ 


最左面既係秘製茴香小餃子
原來個餃子唔係平時我地食個D
係將薯蓉加入左香料，搓成一舊舊~


完全係齋黎，無肉的~
餐牌上係無寫辣的~不過其實係有好輕微的辣~
而且仲有少少的酸酸味~ 可以中和薯仔的澱粉質感~變得無咁滯~
有少少同平時食開的印度野唔同，幾有新鮮感~

中間個個係菠菜蓉羊肉


其實平時我自己係唔會叫的，因為我唔食菠菜
不過呢個菠菜蓉同平時食既菠菜好唔同~唔會食到口嚡嚡~ 仲好鬼滑添
個羊肉雖然好瘦，但好淋，唔會好難咬開。混合埋菠菜蓉一齊食更加滑~
改變左我對菠菜既厭悪感~

最後一個係
腰果奶油紅花忌廉雞


腰果基本上係睇唔到, 因為已經變哂蓉，變左個汁了~配合奶油，整個醬汁好CREAMY~
唔知係咪紅花的關係，食到有丁點的苦澀味~ 不過反而增加了整個汁的層次級~
個雞肉反而係實的的，好似煮到硬左咁~ 有少許預期以外~

三樣餸既肉或薯仔粒都切到細細粒，方便優雅地入口~
每款既汁都好多，好想整番碗飯黎撈~ 

平時食咖喱，都會點NAAN, 不過今日想試下新野~
所以揀左 芝士烤飽~

不過呢，上到枱後，又其實唔覺同NAAN有咩分別


中間夾左D芝士，個餅變得厚身左，亦都鬆化左
有少少焦香，就算就咁食都已經好好味~

雖然望落唔係好多野
但我2個女仔都食唔得哂~ 因為都好多肉同埋D 汁都幾CREAMY, 

呢度環境幾靚幾好，好啱女仔家黎食印度野~ 
感覺干淨衛生D，又安全D~ (2個女仔，真係唔敢亂咁上樓食印野架) 
雖然價錢比平時食印野係貴左少少，但其實都係普通一餐西餐既價錢者~

唯一遺憾，無著番對高踭鞋，靚衫
影番張靚相~

爵樂印度餐廳
Gaylord Indian Restaurant
尖沙咀亞士厘道23-25號雅士利中心1樓

如要聯絡本人，請電郵至： smonkichi@hotmail.com
















留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容