好啱去拍拖的隱世明星餐廳~GROOVY BAR & GRILL

-
大坑的食肆最近都沉靜了不少
沒有了年前的熱鬧
聽說很多樓宇還被收購中，想來，大坑很難再復當年了
雖然係咁，依然還有一D小店努力堅持中

GROOVY BAR & GRILL


呢間位置之前係做蠔吧，感覺幾高級個種，所以一直都無食過
最近裝修了，換了店面，感覺親民了不少
價錢方面都未算平民化，不過晚餐黎計算OK啦～～



原來呢間係一間隱世明星食堂，好多明星都黎幫襯過~


有陳豪呀~*.*,  唔知會唔會有機會食食下見到陳豪呢~XD

話得係明星餐廳，成牆簽名都唔出奇呀，仲可以當埋係餐廳既設計添~


睇番餐版，其實選擇唔算好多~一版睇哂
~由頭盤，沙津，湯，主菜，每樣都有幾款揀咁囉~


當然，仲有一D係廚司精選的可以揀~


等食既時候，望到呢個長長的海鮮BAR 枱，應該係蠔吧時留下的產物吧~


雖然唔再係主打蠔，不過呢度既蠔依然有質素

叫左半打廚司發板的生蠔，話俾侍應知鐘意爽口的口感就得~


呢度有三款蠔，分別來自蘇格蘭，愛爾蘭同紐西蘭
至於係咩名，就真係唔知了

待應姐姐叫我地由右邊的蘇格蘭開始食

蠔身好扁平，真係成隻碟咁~


肉質好爽口，完全無膩既感覺
海水味同蠔味都唔太濃烈，感覺幾清新


第二隻來自愛爾蘭，同樣以淡口同爽口為主打
蠔味比第一款濃少少，海水味偏淡~


第三隻來自紐西蘭，SIZE偏細，諗住佢味道會更濃郁
不過似乎同第二隻既愛爾蘭差唔多
亦無想像中咁濃既蠔味


但總括黎講，三款蠔既質感我都好鐘意，爽口而鮮嫩，好啱初食蠔既人仕~  
值得一讚係師傳開蠔時會將蠔個舊瑤柱肉割開一半先，等我地食個時唔使死了難了~ 
雖然6隻蠔加埋一成三舊水，不過食得出係靚貨 (一定唔係酒店BUFFET 個D質素啦) 

跟蠔的茄汁加左香料，不過對我黎講有少少酸~


食蠔嘛，當然原汁原味最好食~


老公鐘意食牛，叫左個肉眼扒

上枱好有驚喜喎，同我地切開哂一片片，幾個人 SHARE 食都好方便


唔知老公叫左幾成熟，但呢度熟度就啱啱好，外熟內軟，又唔會血淋淋~


肉眼扒入口唔會好鬆化，即係無落到鬆肉粉啦~XD 
有牛肉既質感，而且亦有燒烤既焦香味~

呢個圓波波咁得意，開始以為係伴菜既薯蓉添~


原來係師傳將肉眼既肥膏切左落黎整成圓形再烤過~ 

切少少肥膏加埋肉眼一齊食，肥膏入口即溶，唔單止無肥膩感，原來仲可以令到牛肉更加滑
好新鮮又好得意既食法呀~


除左個主食牛，估唔到連D配菜都好有心思
全部蔬菜都燒過，好香


最欣賞個秋葵，平時我係唔會食的，
但家下咁樣燒過，外皮脆脆地，入面無左個種滑潺潺既感覺，好聰明既做法呀~

煎深海帶子扁意粉


扁意粉加入左橄欖油，滑得黎更有一股橄欖油的清香
而且扁意粉煮法都好正宗，保留少少意粉的硬度，唔會淋PAT PAT~
加入左羅勒葉一齊煮令到意粉有多唔同層次既味道
雖然係咁，但整碟意粉的味道仍然好輕，唔會好濃味
反之，個帶子味道仲咸~ 
當然，兩者混合一齊食就啱啱好啦~
唯一唔好係個冷氣太大，隻碟又無熱過，D意粉好快吹凍哂~ >< 

感覺到呢間餐廳好有心，無論食材，烹調，都落過一番心機

尤其是夜人不多，我同老公可以慢慢係呢個咁靚既環境下享受呢個難得既二人世界
結左婚，都要抽空去拍下拖架~
Groovy Bar & Grill
大坑銅鑼灣道128號地舖

如要聯絡本人，請電郵至： smonkichi@hotmail.com




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容