諾士佛臺中的另類~ Apgujeong Tent Bar狎鷗亭居酒屋

尖沙咀諾士佛臺係飲酒既勝地，其實依家係個度既商廈都開左唔少食肆~

今日收工就同左同事黎呢間

狎鷗亭居酒屋
Apgujeong Tent Bar

聽個名，就知唔係新派韓野 (食過幾間新派韓食都係麻麻), 我都係鐘意食番D韓國傳統野~

呢度既裝潢都係傳統木製家具，卡位仲要除鞋入架~ (黎呢度食飯唔好著穿窿襪啦)

另一個愛傳統韓食，就係因為呢D前菜啦~

呢度既前菜好有水準，尤其泡菜，係我鐘意既鮮泡菜，爽口又清甜~ 

同埋全部前菜都係有質感的，食到係新鮮製，唔係霉淋淋個D~ 

淨係睇個餐牌，已經睇左我半個鐘~@@ 真係多野到呢~

最開心係有圖有真相，一睇就知食乜~

如果多人黎，仲可以食呢3個大堆頭，可惜今晚人丁單薄，唯有放棄~

店員話黎個特價海鮮窩試下 HKD 88 

一上台~嚇親，咁既SIZE 88 蚊，我唔知有冇聽錯~@@

青口大約估計有廿幾30隻，雖然係細細隻SIZE, 但隻隻飽滿~

蜆仔就細粒左少少，仲有成隻魷魚~@@

同埋，仲有成個麵底~@@ 

其實 2個人黎，淨係食呢個都已經飽哂啦~ 

呢個海鮮窩味道就普通D，唔算好突出，如果加埋泡菜落去，我覺得會仲正~ 

 店員驚我地食唔慣生牛肉

推介呢個半熟牛

~野菜牛肉卷~

一片片半熟的牛肉，色澤亮麗~ 不過就好凍 (原來係凍食的) 

用雪到冰冰的牛肉包住蔬菜黎食，呢個食法幾得意~ 

(應該係金菇肥牛卷的高級牌) 

半熟牛肉一D都唔韌， 加埋新鮮蔬菜一齊食，感覺好清新，食多幾塊都無問題

可能係凍食的關係，牛肉無咩味，不過可以點WASABI 豉油同醬汁 

 

呢度既特飲有好多款揀，有酒精同無油精都有架~叫左2杯試試~

APPLE CIDER, 大家都成日見~

呢度既冰溶得比較快，好處係唔使飲耐~ 溝到淡哂

壞處咪好快飲哂囉~HAHA ~

呢個 PINEAPPLE COCONUT RITA ，其實咪係 PINA COLADA囉

不過咁樣加啤酒飲估唔到又幾好味~ 極之易入口~

呢度因為無爐，所以D燒肉都係同你燒埋的~ 

咁樣食，好似無左燒肉的感覺添~

不過就唔使成身油煙味囉~

肉黎講得燒得幾靚 (一定靚過我燒)

不過唔知係咪肉切得較薄，感覺有D硬~

牛舌同菇菇就好正，有焦香味又JUICY

呢個炆牛腩，真係正到爆呀~

牛腩超淋超入味，味道有D甜甜的

就連個底既蘿蔔都炆到入哂味，成個變左醬油色, 可想而知炆左幾耐~

用呢個黎送飯，可以食2大碗~

再黎一個辣豆腐湯~ 

料好足，不過辣度比想像中淺，無左個種刺激感~

傳統韓食竟然都有炸雞，而且仲整得唔錯~

外層炸得很脆，入面既肉仲好JUICY，而且放耐左外皮都唔會變淋~

估唔到係諾士佛臺咁西式的地方，都有間咁傳統的居酒屋

地方夠私隱之餘，盤盤都係大大件

一大班朋友黎呢度可以SHARE多幾樣野食~

狎鷗亭居酒屋

Apgujeong Tent Bar

尖沙咀諾士佛臺9號冠福中心1樓