厚福街裏的西班牙~Espuma

-

今日係小學第一階段的放榜日
雖然都預左未必有機會，不過都BOOK左枱同阿囡慶祝下，叫做慶祝下又過一個階段啦~

樓下門口細細的，估唔到上到黎都幾寬敞~
長長的大廳分開了2邊食飯的地方~
面壁位嘛，實在坐唔慣~HAHA 


餐牌上的選擇都幾多下，睇到有D暈暈地~


最後都係揀左個2人餐算~HAHA~


先黎個頭盤~ 

有黑毛豬火腿沙律，焦糖單骨雞翼和西班牙黑毛豬火腿薯容~


黑毛豬火腿的咸香配上甜甜的沙律醋，很醒胃~


雞翼係單骨的，方便食。
外皮脆脆的，有甜甜的蜜糖味，難得內裏依然肉嫩唔干好JUICY~

西班牙黑毛豬火腿薯蓉外型趣緻，囡囡見到好開心
薯蓉軟軟綿綿的，配有黑毛豬的火腿味，雖然係油炸，但一D都唔油膩~

湯有2款，貪心我們當然揀哂2樣啦~

南瓜忌廉湯
開始阿囡聽到有南瓜, 都唔想飲
好辛苦叫佢試左一啖後, 竟然成碗同我飲哂咁濟~~@@


因為呢個南瓜湯都幾甜，甜到已經唔止係南瓜個種甜了~
不過難得阿囡鐘意飲，仲叫婆婆回家整添~

另一個雜菌湯真係有一粒粒的細細雜菌粒係湯入面增加口感~


比起南瓜湯，呢個味道較濃~ 飲到一半會覺得有D咸呢~

主菜一
黑松露醬炒鮮雜菌寬條麵


雜菌炒得好滑，數量都唔少~
黑松露醬恰到好處，唔會太過濃，唯一係賣相唔太吸引~ 汁太多
如果D芝士可以企身D 企係寬條麵度，就有氣勢好多啦~

第二主菜
~西班牙黑毛豬薄餅~


叫個時都無為原來叫左咁多款黑毛豬食物添~
呢個薄餅係薄批黎，但芝士份量幾多，所以都有一定既厚度~即係都幾飽肚~
不過因為有芝士係度，好快中間變得軟軟的，拎起黎食有D難度~要快手食哂呀~

飯後甜品
要左精選窩夫~

超驚喜呀~~ 估唔到跟餐的甜品都咁有份量~


以為只有一個窩夫餅，但原來仲有雪糕，棉花糖同一個沾有吉士醬的OREO 心型窩夫~ 


窩夫夠脆夠鬆化，睇佢個樣好似好甜咁，但原來食落口一D都唔會過甜
最甜既就係個個OREO 囉~

最後來個飲品~ 
加15蚊可以揀特飲
叫左呢個招牌水果茶~

食完甜品再飲呢個水果茶, 感覺有D甜左D添~唔係好飲到有茶味~


反而媽媽叫既另一個蜜桃苿莉綠茶就比較適合飯後飲，唔太甜仲有清香的茶味~

又或者，將兩種茶混合一起飲，味道都唔錯架~

雖然飯後嘆杯茶真係幾爽，不過呢度食飯得一個半鐘咋~最好坐低就要叫黎飲啦~
唔係實飲唔哂

食完呢餐，希望下次食個餐係真慶祝，慶祝阿囡派到心儀學校啦~

Espuma
尖沙咀厚福街8號H8 2樓


如要聯絡本人，請電郵至： smonkichi@hotmail.com

留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容