玩具國的午餐

星期天,無無聊聊的
帶著囡囡出去旺角走一轉~
帶佢上了信和,雖然好多鋪頭都未開,但阿囡都睇得好開心~勁興奮

睇完一輪,搵地方食飯
搵左呢間 係信和隔離,以紅白為主題的 Nardo's cafe 
等囡囡快D體驗下年青人的生活~XD 


一入門口,囡囡就話好靚呀~
估唔到一個少少的角落都佈置得咁有特色,咁有心思。


整個餐廳同張相一樣,都係紅/白為主


牆上一個個紅色盒入面有唔同年代既玩具,好似一個小型玩具展咁~
我估呢D都係店主既收藏,可以將自己的收藏公諸同好,真係一件幾開心既事~



除左大廳外,呢度仲有一間好長的房~分左兩邊
可以包場成班FD 玩都得~ 


黎得CAFE, 又點會無TABLE GAME~ 


阿囡已經老實唔客氣地開始玩啦~


呢度有SET LUNCH~ 一杯飲品加一個MAIN COURSE 
價錢都係幾十蚊~ 
想要埋頭盤同甜品,就加多30蚊~

飲品都好多選擇,因為大細都咳, 叫了兩杯花茶

Charming ( 洋甘菊,杞子,桂圓肉)
Raspberry Tea ( 紅苺,芙蓉花,薔薇果,蘋果)


Raspberry Tea , 味道較濃,帶酸,加入少少糖漿後,感覺好似食緊紅莓糖
Charming 味道較淡,唔使加糖,味道剛剛好~

是日未瞓醒,諗住食少D,叫個沙律醒下胃
煙鴨胸野菜沙律配意大利黑醋~ 
HKD 98

一拎黎,嘩,個沙律好鬼大呀,係一個湯碗咁大呀~


煙鴨胸做得好粉嫩,唔會干爭爭~ 
意大利的黑醋微酸帶甜,份量適中,唔會越食越酸
沙律菜好新鮮,無發黃無锈邊,雖然份量好大,但我竟然食哂呀~~~~~~

再黎一個蜜糖雞翼
HKD 58 
竟然有8隻咁多~ @@ 


雞翼無雪味,做到皮脆肉滑,係CAFE黎講,算係高質~


佢將蜜糖放係底後再鋪上菜,雞翼唔會俾D蜜糖整淋,好聰明呀~

再叫左個套餐的忌廉野菌煙肉長通粉
HKD 58 
煙肉超多,個白汁煮得幾好,唔會水汪汪咁,可以痴住D長通粉
阿囡一路食一路話好味~


比例圖,真係碟碟都勁大碟,我都後悔叫左咁多~@@ 


仲未完架,套餐加左30蚊,仲有個BLUE BERRY CHEESE CAKE 

呢個BLUE BERRY 係醬,唔係一粒粒的
不過CHEESE 味好濃,而且甜度唔太高,雖然好飽,但最後都KO 哂呢個CAKE ~


平時去CAFE , 都係HEA 為主,食物方便通常都無乜要求
但呢間CAFE 的食物水準真的不賴,同普通餐廳無異
下次出旺角,可以唔使同人迫,黎呢度坐下食下,
最好係無限時,可以任坐任講~

Nardo's Cafe
旺角彌敦道594-596號旺角新城8樓全層

如要聯絡本人,請電郵至: smonkichi@hotmail.com



留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®