土耳其 x 貓 的異國國度
係旺角的女人街唐樓上，充滿住好多異國風情
但大家未上過去，又未必敢上去睇
今日我就帶大家上去睇下呢間咁有特色的土耳其餐廳~
COFFEE ON THE SAND
係樓下已經見到好多好有有特色的POSTER 同招牌~
原來呢度仲係一間土耳其糖專門店黎~
一開門就見到呢個咁得意既牌~
下次情人節不妨諗諗佢，唔使下下送朱古力咁悶囉~
餐廳係唐樓內，有D家居佈置既感覺
但睇得出店主都好有心，放左好多得意既佈置係度~
就連椅櫈，都套上了好有異國色彩的花布~
呢度，其實都幾文青FEEL~~ 唔似想像中既土耳其餐廳~ HAHA
咁土耳其的特色就點會有D既
好似呢D SIRMA 飲品啦~同埋咖啡杯，都係土耳其特產黎架~
仲有好多貓貓陪你一齊食野架, 貓貓都係短毛貓黎，好得意~
貓貓唔怕人，自由自在咁係餐廳度行黎行去，食野，瞓覺，好寫意的~
你想同佢玩？無問題，不過要有愛護之心
佢食緊野，瞓緊就唔好搞佢啦~
至於呢架咁有特色的車仔，其實做咩呢？
原來，佢係用黎煮土耳其咖啡架~ HAHA
將咖啡放係特制既土耳其咖啡壺度，放係預熱左既沙度不停咁轉
去片~
成間餐廳都充斥住咖啡既香氣~
朋友的東歐鮮奶玫瑰咖啡就係咁煮左出黎啦~
但原來煮好既咖啡本身已經有甜味
仲有玫瑰的香味~玫瑰味好突出，配合埋咖啡既香氣，很特別
如果喜愛玫瑰味的朋友一定會瘋狂愛上
呢度既食物有散叫，但亦有SET~
我地對土耳其食物唔太熟
於是叫待應姐姐（佢識講廣東話的）幫我地點左幾個餸～
呢個應該係東歐田園沙律
主要有生菜、蕃茄、青瓜為主
開始以為黑色一粒粒係黑椒，原來唔係，係一D香草咁
不過味道唔太濃烈~
沙律本身有D酸酸檸檬汁係底，又有少少咸咸地咁~好清新開胃的一度前菜~
秘製招牌烤雞配飯
脾位同翼位都烤得好滑，係胸位有DD 嚡
雞皮很香口，而且雞仔細細，無咩膏，連皮食先正架~
飯同我地平時食開既米飯一樣的~
混有好多秘製汁，個汁好惹味，好送飯呀~
土耳其的餸，都會有跟呢個乳酪的，乳酪本身其實好淡味，唔是平時食開超市個種
東歐牛肉腸脆脆薄餅
呢個薄餅同我地平時食既都差唔多喎~
底係好薄的，邊很脆
只係上面的腸不是豬肉，改成了牛肉~(好似第一次食牛肉腸)
芝士味一樣很濃的~
不過記得要快食，個底因為薄底，會好快淋的~
再來呢個飯後甜品
土耳其開心果酥餅 加雪糕
那個土耳其的開心果酥餅真係很有特色
很甜的，就像含一口砂糖一樣
要混和著雪糕一起食呀~
(不過，我覺得土耳其的食物就係這樣呀)
因為囡囡的關係，我點了一個朱古力伯爵茶
叫了少冰
的確冰少得可憐~ 感覺很水汪汪的樣子
可以的話，還是喝咖啡比較正宗~
呢度仲有土耳其咖啡粉賣架
大家有興趣可以買D回家試下自己沖~
唔知店主有冇改食過D食物，我覺得土耳其的食物都好易接受
同平時食開既野都差唔多~
只係價錢都幾進取下，無想像中咁抵~
不過物離鄉貴嘛~
下次想試下新野，可以考慮下去呢間咁有特色的土耳其餐廳~
(呢度會有人包場架，去之前記得打個電話問問呀)
Coffee on the Sand
旺角通菜街9-15號1樓A室
電話號碼 : 6800 7776 (WhatsApp)
如要聯絡本人，請電郵至： smonkichi@hotmail.com
留言
張貼留言