Sally Ngai's Private Heart

平時食餃子既鋪頭好多都殘殘舊舊, 好似唔干淨咁~ 鐘意食餃子既我好多時會因為咁而卻步 終於搵到間又靚又光猛的餃子專門店啦~ 餃掂手工餃子雲吞專門店 餃子文化其實好多年啦, 當中仲有一個傳說 話說東漢末年，醫聖張仲景告老還鄉後，在家鄉白河岸邊見百姓捱饑受寒，耳朵凍爛，他叫弟子在南陽東關附近搭棚派藥，用羊肉、驅寒草藥煮熬成「祛寒嬌耳湯」，加入用饀皮包成耳朵狀的「嬌耳」，據說吃後身體會發熱，兩耳很快就痊癒了。張仲景派藥持續到年三十。年初一時，人們開始仿嬌耳樣子做過年的食物，並在初一早上吃，稱之為「餃耳」、「餃子」。 隨住多年黎既發展，雖然餃子既餡變左好多，不過外型仲KEEP到似一隻耳仔啦~  呢度既餃子有分湯同煎兩款 不過餡就選擇就非常多啦~ 著名的，有龍鳳松茸餃~~ 最近仲加入左2款新品 大滿貫素餃同壽喜燒牛肉餃  食餃子，辣醬都係加分的一部份 呢度既辣醬好有特色，有菜甫豆豉醬，四川辣椒醬，好有家鄉風味 飲品呢，有自家制的山楂雪梨水 仲有新品的蜂蜜檸檬薏米水 兩款都好清甜健康，唔會太甜 我地叫熱飲，姐姐好細心咁幫我地兩溝，變左溫溫地，易入口 青瓜係我的至愛，當然要點啦～ 回味手拍青瓜　 賣相有點兒怪怪的，望落去感覺好軟淋淋，當然食落去亦無想像中的爽脆 青瓜沒有很凍，有欠爽口，不過麻辣醬幾香口，香得黎少麻，挽回不少分數～ 龍鳳蛋　（配黑白松霜醬） 佢既英文叫JAPANESE SOFT BOILED EGG, 應該類似溫泉蛋的朋友 咁呢隻蛋又的確幾滑，幾軟 蛋有滷過，外皮的蛋白有少少滷水味，很香，再加上松露醬的點綴，將成隻蛋變得不再平凡 口味新鮮又香濃  主角黎啦~ 龍鳳松茸雙灼餃 呢款係加入左黑白松露的松茸餃 不過佢唔係素餃黎，而係有豬肉的~ 以松茸混和豬肉，再加上黑 OR 白松露醬做餡，一次過有多種口感和味道 呢度既餃子由外至內都做得非常好 外皮好透薄，又軟熟，唔易穿，仲好滑添 豬肉餡非常軟，好新鮮，唔係死死實實個D 入面真係有一條條的松茸同多黑松露呀~ ...

身為官塘人，成日都有人問我官塘有咩靚靚地，坐得舒服又好食既餐廳介紹 好食既餐廳唔少，但坐得舒服，可以慢慢享受晚餐既餐廳真係唔多 而登堂就係一間我覺得可以介紹俾朋友既餐廳 登堂住於新開的商場內，設計當然好新同好靚 而且佢佔左全層，地方超級大 一入門口就俾呢個咁大既酒房吸引了，可以有咁大個放酒既地方 呢度有幾大，可想而知 其中一角的酒吧位，個吧頭無限大~ 除左大堂外，呢度仲可以包房架，一班朋友坐係VIP房飲住紅酒，暢所欲言，幾咁正 呢度既房間仲有活動板間房，可以隔出大小不同的房間，用黎開PARTY，聚會，搞生日都好啱呀~ 仲有呢D 2人談心枱，係咪好浪漫呢~ 食物以西式為主，有湯，意粉，PIZZS，扒等等 仲有時令生蠔食 餐牌好似一份報紙，圖文並茂，吸引又易睇~  價錢就一般餐廳價錢，適中合理 墨西哥香辣牛肉芝士焗粟米片 呢個粟米片直頭係必點的前菜呀 第一，粟米片超香脆，混入了大量的芝士，非常香濃，肉粒加入了很多香料，其實唔算太辣，香為主。 餐廳見我地有小朋友，好細心咁將肉粒分開上，小朋友都食到，十個讚呀 第二，伴盤的各款調味醬有3款咁多 酸忌廉，牛油果醬，蕃茄莎莎 3款都超級好食，我女最愛食那個 酸忌廉，配粟米片好夾。 而我則 愛食那個蕃茄沙沙，蕃茄粒加入了香草，又清香又鮮甜 牛 油果醬非常幼滑，連少食牛油果的我都愛食呀~ 3款前菜為整個前菜加了無限分 第三，佢既份量係超級大份，係估唔到既重量級，用黎送酒食一晚都得 鮮魷魚意大利粉 魷魚好鮮嫩，一D都唔韌，仲好有鮮味 烹調前， 待應又好好人咁問我有小朋友，使唔使煮淋D，真係細心到爆呀~ 意粉軟硬適中，唔會煮到淋PAT PAT 濃濃的白汁將整條意粉緊緊包裹，每一口都有白汁的濃香 餐廳的另一招牌菜，PIZZA，也是來這裏必點的呀 因為呢度既PIZZA的HAND MADE的 這個黑毛豬芝士PIZZA ，選用了36個月的黑毛豬片，非常甘香 厚厚的芝士內原來暗藏了磨菇和菠蘿，加添了蔬果的清和，中和了芝士的膩~ PIZZA...

係旺角的女人街唐樓上，充滿住好多異國風情 但大家未上過去，又未必敢上去睇 今日我就帶大家上去睇下呢間咁有特色的土耳其餐廳~ COFFEE ON THE SAND 係樓下已經見到好多好有有特色的POSTER 同招牌~  原來呢度仲係一間土耳其糖專門店黎~  一開門就見到呢個咁得意既牌~  下次情人節不妨諗諗佢，唔使下下送朱古力咁悶囉~ 餐廳係唐樓內，有D家居佈置既感覺 但睇得出店主都好有心，放左好多得意既佈置係度~ 就連椅櫈，都套上了好有異國色彩的花布~  呢度，其實都幾文青FEEL~~ 唔似想像中既土耳其餐廳~ HAHA 咁土耳其的特色就點會有D既 好似呢D SIRMA 飲品啦~同埋咖啡杯，都係土耳其特產黎架~ 仲有好多貓貓陪你一齊食野架, 貓貓都係短毛貓黎，好得意~ 貓貓唔怕人，自由自在咁係餐廳度行黎行去，食野，瞓覺，好寫意的~ 你想同佢玩？無問題，不過要有愛護之心 佢食緊野，瞓緊就唔好搞佢啦~  至於呢架咁有特色的車仔，其實做咩呢？ 原來，佢係用黎煮土耳其咖啡架~ HAHA  將咖啡放係特制既土耳其咖啡壺度，放係預熱左既沙度不停咁轉 去片~  成間餐廳都充斥住咖啡既香氣~  朋友的東歐鮮奶玫瑰咖啡就係咁煮左出黎啦~  但原來煮好既咖啡本身已經有甜味 仲有玫瑰的香味~玫瑰味好突出，配合埋咖啡既香氣，很特別 如果喜愛玫瑰味的朋友一定會瘋狂愛上 呢度既食物有散叫，但亦有SET~  我地對土耳其食物唔太熟 於是叫待應姐姐（佢識講廣東話的）幫我地點左幾個餸～ 呢個應該係東歐田園沙律 主要有生菜、蕃茄、青瓜為主 開始以為黑色一粒粒係黑椒，原來唔係，係一D香草咁 不過味道唔太濃烈~ 沙律本身有D酸酸檸檬汁係底，又有少少咸咸地咁~好清新開胃的一度前菜~ 秘製招牌烤雞配飯 脾位同翼位都烤得好滑，係胸位有DD 嚡 雞皮很香口，而且雞...