香港回憶~辦館 LOF10 Bar Dining

-

就黎打風，食咩好？
當然係食公仔麵啦~XD 

打風前夕，去左銅鑼灣新開的 

辦館
LOF10 Bar Dining

離遠已經見到清仔等緊我啦~ 

無論裏裏外外，都有清仔既蹤影
清仔係陪住香港人既大既公仔
香港人既回憶入面，公仔麵佔左好重要既一環
不論早餐，宵夜，常餐，打風，月尾
公仔麵都陪伴我地一路走過來
所以公仔麵都係香港人既一個情意結~

配合日清的主題，呢度既裝潢都幾日本FEEL~ 


最搶眼的，最然係呢個大招牌啦~
夠哂香港特色


除左戶內，仲有一個大大既OUTSIDE 露台

華燈初上，群樓環抱，係度食個飯，飲番杯酒，都好寫意~ 


可惜當日打風啦~ 要退避室內。

講起酒，呢度同其他幾間辦館不同
因為佢有得賣酒架~ 
見到一排長長的吧頭，就知呢度既酒都唔野少~


呢度以香港特別為主，所以食物都好多香港街頭小食~
就連燒賣都有~


最抵食，當然係呢個丁麵套餐~ 

有主食/甜品/飲品，都係HKD88-108


麵食送上黎啦，用公雞碗裝住~ 


今次我地叫左2個公仔麵套餐~

港式蔥油出前一丁麵
HKD 88 / 套餐


以自家大蒽同薑蓉撈丁，加埋叉燒同蛋~
感覺平平實實，就似茶記水準，但又未可以話好有驚喜`
同埋無左個包一丁麵味精既味道，唔太似一丁XD

另一個　味噌豬捧丁麵餐
HKD 88

就咁睇，似唔似餐蛋麵XD 

咁當然又唔止既，因為剩係個蛋，都以上湯醃製5小時~
而午餐肉粒粒都煎得很香脆~
而呢個麵，好幼滑，完全唔似一丁麵呀~

小食

單骨雞翼~ 
單骨方便進食，但炸得少許干
跟小食的泰式辣醬加回唔少分~

煎餃子配酸菜
酸菜出奇地好味同有番隻兒時的味道呀~
餃子係日式餃，皮很薄，煎得火候都好好，金黃金黃的~

跟餐的甜品

雪糕三文治
是日雪糕無奶茶味，有點兒可惜~
綠茶雪糕有很香的綠茶味，而紅荳醬亦甜度適中
唯一個係餅味道麻麻，換番麥XX  好能好味D~

平時呢個甜品正價要65蚊，家下跟埋餐，真係好抵~

雙重滋味雞蛋仔 (跟餐) 

老實講，呢個雞蛋仔味道好奇怪
朱古力醬混合蜜糖已經有少少奇怪
再加上蜜糖本身的味道又有少少奇怪~ 


簡單D講，我寧願佢唔好落醬~ 

飲品方面
有呢個超奇愛的 CARAMEL CREME BRULEE LATTE 
咖啡面層有一套CREAM BRULEE 的糖層，少少硬的~
混合咖啡齊飲，唔使加糖~


無論賣相同味道都不錯~

朋友的MOCHA 就有點兒失望
凍MOCHA 沒有CREAM ，而且味道過甜，嘗不到咖啡味~


最後問待應攞了兩杯水
原來水用呢D塘瓷杯裝，好有香港特色喎~
見到呢隻杯，好有擦個牙既衝動~XD



臨走個門口見度呢Ｄ咁靚既水煙，可能FOR OUTSIDE用的
不過用黎做擺設都好靚呀~


辦館
LOF10 Bar Dining
銅鑼灣謝斐道535號 Tower 535 3樓302號舖

如要聯絡本人，請電郵至： smonkichi@hotmail.com




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容