傳統韓式風味~ 金羅寶韓國料理
記憶所及
金百利是好早期就已經變哂成幢食肆~
樓下都經常排滿人龍
今日我都去排下，為左呢間傳統韓食
金羅寶韓國料理
食物是傳統韓烤，室內設計都以樸實為主~
大大張的枱和椅，坐得特別舒服
放滿成枱野食都唔會太迫~
傳統韓食以燒肉/鍋為主
價錢以每款百元起，但份量係夠大份的~
所以食傳統韓食，最好約一大班人去就可以食多幾款了~
當日所見，好多外國遊客同一家大細黎食~
先來我最愛的韓式八小碟~
款款都有特色，而且賣相都好吸引
右下角那個像酸菜泡菜的，還是第一次食~
泡菜是我喜愛的清爽款，而其他小碟都好有傳統的韓式醃漬物風味
而且味道唔會偏咸偏重，好清新開胃~
尤其食左好多肉類後食番個小碟，味蕾即刻甦醒了。
今日2個人，點了2款燒肉和一個鍋
韓式燒烤，豬腩肉是必食的~
如花的腩肉上枱，經己食指大動~
呢度既爐用左周邊吸煙既設計，唔使吊個管落黎
而且吸力都唔錯，唔會成間餐廳都油煙味~
腩肉薄切，雖然有肥膏，但食落唔會覺肥，因為肥膏變得好爽口
最特別係保留了豬皮 (側邊薄薄透明的一條)
食起上黎增加了韌韌的口感
腩肉切得很薄，優點係好快熟，亦很爽口
但缺點就係易燒乾，亦無左厚切既JUICY感
皮上有少少毛毛，要扣點分呢~
我最愛的牛肋骨肉
肥瘦均勻，肉質帶有光澤~
因為有醃過，味道比豬腩肉重，比較惹味~ 用黎餸飯一流
牛肉的質感很重，食到條條的牛肉紋，亦無豬腩肉咁乾身
燒完都仲好JUICY~
~辣味牛肉湯~
湯上枱時係一直滾住的，因為個石鍋好存熱，係咁卜卜卜，好振奮~
湯入面都勁多料，除左有牛肉，仲有大量韓式粉絲同韓菜~
呢個牛肉同頭先燒既牛有D唔同，似牛肉片，瘦的，無肥膏，感覺較干了~
湯底望落極之紅潤，以為極辣，不過唔好俾佢個樣嚇親
只係入門級的辣度
而且辣中仲帶有酸酸的，我朋友覺得有加入左蕃茄，又紅又酸~XD
所以都幾醒胃，冬天食碗落肚真係成個人都暖哂~
不過我係食開大辣的人，就覺得未夠過癮了~
如果辣度UP UP 就更正~
提提呢個，食韓燒點可以無蒜頭架~ 燒蒜頭真係好正
估唔到個磨菇仲正
燒到出水，D水留哂係個菇芯度，飲一啖，超香濃的菇味，就好似飲緊菇既精華咁~
下次燒菇記得唔好亂翻倒哂D菇汁啦~
叫左埋單，估唔到仲有雪糕送 (仲有味道揀架)
雖然係送，但呢個芝麻雪糕都唔求其
有好香的芝麻味同奶味，雖然免費，但好食~
呢度既姐姐都好好人
見佢都好忙周圍走，但仲KEEP到成日笑容滿面
臨走時仲話今日人多，招呼唔到
真係好有HEART
比起D後生黑面待應，我更愛笑容姐姐~
金羅寶韓國料理
Jin Luo Bao Korean Restaurant
銅鑼灣記利佐治街1號金百利廣場6樓
如要聯絡本人，請電郵至： smonkichi@hotmail.com
留言
張貼留言