乳豬好味，桶蠔煲超出預期~ 勝記酒家

-
係灣仔杜老誌道群策大廈，有2個門口
一個直上寫字樓
一個透明子彈LIFT就直上呢度~ 


呢度其實都有唔少歷史，而我就只係知依家個名改左個勝記啦~ 


一開LIFT, 一個好傳統又有好氣勢牌匾立現眼前~ 

酒家就似普通中菜館，無大紅大綠的華麗裝修~ 


菜館，通常都係呼朋喚友既地方，所以都係以圓枱為主~ 

呢度都不時有D特價海鮮，百幾蚊食到鮑魚煲，都幾抵


同舊同事咁耐無見，點都要啤一啤佢架~ 
呢度用公雞碗飲架，仲要係雪到冰凍既公雞碗
飲一啖，特別豪情奔放~ 


前菜來個口水雞 (小) 
HKD 48

呢碟口水雞比想像中大份


唔算好辣，但有四川的香料辣味~ 

雞皮好爽，雞肉嫩，佐酒絕對一流~ 


除左雞公啤哂碗，呢度既碗，杯，碟都配成一套架~ 
好有家鄉風味~XD 


黎呢度，一定要試招牌乳豬啦~ 
叫左例牌
HKD 150


真係堅乳豬呀
燒乳豬係要咁樣食架
只需要一層脆卜卜又鬆化的皮


其他肉，都係墊底架咋~!

加少少乳豬醬，再夾住個餅食，減去油膩感~


但其實，就咁食都唔係好油膩
因為層皮都無肥膏的~

姜蒽美國桶蠔煲
HKD 168

平時呢，其實我好少食桶蠔
但今日同事話食，咁唯有捨命陪君子~ 


好彩同事都獨具慧眼，個蠔煲真係好正
蠔大隻唔使講，隻蠔煎香過，蠔邊都好脆香
食落一D都唔腥，咬落又唔會淋PAT PAT 


而佢個蒽段更係超加分位
蒽段熟得啱啱好，保持到翠綠爽口，但又唔會有草腥味~~ 
全部蒽，我清哂~XD 

蝦乾魚肚浸高山菜
HKD 98

一時醒唔起咩係高山菜
原來就係呢D~  


碟頭非常的大，食極都仲有 
湯好清甜，而調味就交給了清湯， 
入面仲有魚肚，講緊唔係得一, 兩舊，而係好多~ 


生滾潮式蠔仔粥
HKD 88 


呢個蠔仔粥，又係堅大，用平時裝翅個D 大湯兜 (12人用個D呢) 
仲要係全部都係枓，滿到爆左

入面既蠔子都唔"仔"下，粒粒都成隻手指公咁大，飽滿爽口
雖然蠔味唔算好濃，但咁既價錢，真係可以叫抵食夾大份~ 


最後姐姐送的糖水
紫米露
仲諗住送既野都無咩期，但呢個紫米露做得好出色
唔係生粉水個D，而係真材實料煲出黎來的杰身
紫米好香，仲加有西米增加口感
最重要係唔會太甜，甜度剛剛好


呢度既價錢定位適中，食物又夠大碟，唔會夾2條就無左
最重要係味道都OK嘛~ 
好啱一家大細HOLIDAY 來個家庭飯

勝記酒家 
Sing Kee Restaurant
灣仔杜老誌道6號群策大廈3樓



如要聯絡本人，請電郵至： smonkichi@hotmail.com

留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容