韓風鍋~ Bingo & Cook

最近約朋友,都係交收口罩,消毒用品事宜
今天約左朋友在銅鑼灣交收,順便食個晚飯
位於銅鑼灣地鐵站B出口的京都廣場就係很多的選擇
今次去食韓食

 Bingo & Cook


餐廳位於二樓,一整面的落地玻璃窗令空間感更大

而且這裏的樓底特高,感覺非常開揚~ 



是夜好早到  6:00 剛開門就入座 (職員還在食飯中,真不好意思呢) 
不過呢度既職員非常友善,佢地都即刻安排我地入座
呢度既職員都係韓國人,只會講英文同韓文,不過溝通基本上無難度
大家都可以溝通到的~ 

餐廳的另一邊是一個很大的開放式廚房
但非常欣賞的沒有很大的油煙味
我地坐近廚房位都無問題,值得一讚~


我地食到七點多,基本上都開始滿座了~ 
門口有一排櫈俾等候入座的朋友呢~ 



呢度既韓餐有傳統亦有創新
傳統的豬手呀,米酒,韓式鍋 , 煎餅



亦有新式的意粉,炸雞,炒飯



呢度既食物份量每款都幾大份,小食只有煎餅同薯條;適合一大班朋友黎分享

今日3個女孩子,也只叫了2個菜就很足夠了 

韓式豬腳
HKD 290 
豬腳有米酒套餐,但因怕不勝酒力,所以就只叫了淨豬腳


豬腳有分一片片外,仲有一粒粒豬肉都起埋俾我地,非常抵食
豬腳偏瘦,非常適合香港人食。一D都唔油膩
我自己就反而鐘意食D油潤D既豬腳,呢款對我黎講有D少乾~  


豬腳有很多配菜,有韓式蘿蔔,少酸的酸菜,生菜同韓式醬
感覺配菜的食物味道為了香港人而改了,變得味道比較淡,唔太酸,唔太辣,
我自己係比較重口味的人,所以感覺上就差那麼一點點不夠勁。

烤肉嫩豆腐火鍋
HKD 210


火鍋的配料很多,主要有烤牛肉和豆腐
朋友說火鍋加了豆腐,無咁熱氣喎,OK,咁又信下佢啦~


整個火鍋的料都非常豐富,有韓式粉絲,蘑菇,紅蘿蔔,洋蔥,雜菜...... 就係一大堆的
呢個鍋係送上黎先煮,冬天食最啱~ 

煮到熟後再撈混,就成了一個紅彤彤的火鍋
不過,不要被佢血紅的外表嚇怕
對於我黎講真係一點都不辣呀
味道幾濃,有點兒似麵豉湯的濃杰度
食物都吸收了湯底的精華,很有味道
而且不知為何煮開後,食極都仲有,3個女孩子也不能把這個干掉~@@ 
確是大件夾抵食的~


餐廳現在還有禮送
只有LIKE 餐廳的 Instagram 就送一罐飲品


而把食物UPLOAD 上instagram ,仲有飲品或食物送

我揀了Dexox Water, 有1.5L 咁多架
成枱朋友都夠飲,真係好抵

呢個飲品無糖的,味道很清新,用過濃味的韓食再飲一啖,一流呀~ 





留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®