令你皮膚白嫩滑的自家SPA ~ Dermalogica 美體護理系列

-
黎緊7月就可以拋夫棄女，同班好姊妹去泰國旅行啦，真係諗起都開心
可以日日去按摩，做SPA ~HA HA HA
係等到頸都長既呢段日子，唯有自己係屋企做下 SPA 頂住先啦~XD 

Dermalogica 新出左一套全新的美體護理系列
等大家係屋企都可以放鬆，來個自家SPA 鬆馳下

成套Dermalogica Body Collection美體護理系列共有4件產品
產品包括: 輕柔身體修護油Phyto Replenish Body Oil
溫熱身體角質更新霜Thermafoliant Body Scrub 
美體修護沐浴露Conditioning Body Wash
美體保溫潤膚霜Body Hydrating Cream

等我親[試其中的2款同大家分享下先

溫熱身體角質更新霜
Thermafoliant Body Scrub 




話明磨砂，功效當然係去角質啦

呢款溫熱身體角質更新霜加入了天然的磨砂成份粒子 (印度竹莖同天然海鹽) ，可以溫和去除老舊角質細胞，改善暗啞膚色，而且亦唔會對地球做成負擔呀~

當中的木瓜蛋白酶， 乳酸有效溶解老舊角質細胞 ，可活化肌膚，補充水分
甘草，白茶，咖啡果和洋甘菊的萃取能為肌膚注入抗氧化劑

茶樹和柚子皮的精油則有淨化和提神的功效
我女話有D似陳皮的香味，聞聞下又真係有D似喎~不過，是清香好聞個隻~XD 


更新霜的質感比較實同杰身，唧出黎時要用小小力囉
 唧到個包裝都皺左~XD


使用時要先加小小水去溶開個更新霜，再在身上打圈，之後沖水就OK啦~
比較特別的地方就係打圈既時候會感到暖暖地既溫熱感架~

磨砂粒子適中，不會粗嚡磨到痛，但又有D質感，Feel 到真係磨到死皮，有做到野
之後用水一沖就即刻干淨哂，手感超滑的說
最重要係滑得黎又唔乾喎~

更生霜仲內含補充生物脂質 ，可以幫助保護及增強肌膚屏障，防止水分流失添架~


阿女隻腳最近唔知咩事，突然有D似毛髮倒生，D毛生唔到出黎，起哂粒粒
即刻俾佢呢款更生霜佢磨下啦~

磨完第一次後，阿女勁開心話滑左好多呀

睇圖都Feel到佢隻豬腳仔真係白滑左好多
磨走D死皮，D毛開始正常生番出黎，又唔會造成皮膚損傷~

家下佢隔2日就磨一磨，佢話要磨到好似BB咁滑喎~
仲成日問我 佢係咪滑左好多~XD


磨砂完既身體，少左角質層，所以補水方面更加要特別特意啦~

呢個時候除左搽番平時既 body Lotion 外，可以加埋 Dermalogica Body Collection的

輕柔身體修護油
Phyto Replenish Body Oil 

呢款Body Oil 係我暫時最鐘意用的一款

成份方面，加入了多種天然的植物成份，利用植物的天然力量修護皮膚
法國李子籽油 ，牛油果油和葵花籽油 : 有助保護肌膚的皮脂屏障
紅參能鎮靜和滋養肌膚，使肌膚煥發光彩
佛手柑 ，橙花油 ，橙子 ，廣藿香和檀香木，可回復肌膚細膩和柔軟


香氣方便，非常清新的淡淡香氣，搽完後成身都散發淡香，令人心情愉悅

觸感方面，呢款Body Oil 非常輕柔清爽，唔會有油膩的感覺


我建議呢枝油要放係浴室的位置
浴後輕輕印乾身上的水份就要馬上塗上
咁樣可以令皮膚更吸收之外，仲可以幫助皮膚保濕架


每次我搽完成身，再著番衫時，D Body OIl 都已經吸收哂
一丁點黏膩感都無，但又同時Feel 到滋潤感，仲唔怕整D落衫添~

Body Oil 用量一定唔少，下下幾滴幾滴咁倒出黎真係人都癲
呢款大大的斜瓶口設計，可以好暢快咁倒D油出黎搽，唔使滴下滴下咁
而且內斜的設計仲令油唔會流出瓶外或結在瓶口
我非常欣賞呢個設計，用起上黎又方便又爽快


搽完油後既皮膚會發現D角質都變番健康的形狀
皮膚仲有番光澤感，無咁枯乾添~


用完Body Oil 後可以應因每人的需要去決定加唔加Body Lotion 
Body Oil 的質感其實非常透薄，所以 on Top 加上 Body Lotion 都無問題
最近天氣比較濕，我只搽Body Oil 都頂得住呀~

對比起塊面，我就真係好少打理個身體
尤其冬天咁鬼凍，沖完涼就拿拿臨著衫啦，仲搞咁多做乜

不過呢款2款產品真係非常好用，用完後皮膚變得又滑又嫩
自己摸落去都感覺到不同呀~
所以家下我都好有恒心每日搽油，隔幾日做一次磨砂
連老公同女女都好鐘意用，睇下枝更生霜用到扁哂就知係幾咁受歡迎啦~


如果你都想有滑滑的Body，真係要試試呢2款孖寶呀~


了解更多關於Dermalogica®，請參閱
website :dermalogica.com.hk
www.dearbeauty.com.hk


產品及資料由Dermalogica®及Dear Beauty 提供
如對產品有任何疑問，可直接聯絡品牌查詢
文章只屬個人意見，效果因人而異，只供參考


如要聯絡本人，請電郵至： smonkichi@hotmail.com
Fanpge : www.facebook.com/smonkichi
Instagram : https://instagram.com/smonkichi/




Click below for my sharing platform :



留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容