Sally Ngai's Private Heart

和一個識嘆既老友見面，當然要選一間食得好又坐得舒服既地方 選了在公司附近的這間 這間日式餐廳以和牛做主打，仲要係日本的和牛  睇番資料，呢度既牛屬JA全農，即日本政府所屬的農業組織旗下餐廳，旨在推廣日本和牛。和牛由JA全農兼任供應，來自日本各地並只取日本和牛，仲可以食到不同部位的和牛添~ 今日的和牛盛宴由呢個沙律開始~ 呢個沙律加入了少黑醋，少少酸，醒胃之餘也很開胃呀 記得不要一次過食完，可以留待之後再食，解一解膩 餐廳提供了3款醬料 燒汁的濃淡適中，偏向甜味 鹽是粗身的晶鹽，比較能帶出肉的原味 檸檬配海鮮會比較適合，是夜只點了牛~用不上~ 這裏的夾很有設計，可以放枱面而不沾污，非常欣賞呀~ 呢度夜晚既人流唔會好多，除左有大堂坐位，仲有唔少呢d卡位，私隱度都幾高 同朋友食飯傾計最啱~ 如果多d 人，呢度仲有獨立的房間 而且房間仲係活動架，五，六個到十幾廿個都得~  今日的和牛盛宴黎啦~ 全部都係和牛，和牛同和牛呀~ 呢幾塊就係和牛肉眼啦~ 和牛有分汁燒和鹽，我就全部都揀左鹽，咁先夠原汁原味嘛~ 肉眼唔需要燒到好熟，輕燒兩面，會見到D油份開始溶化 入口鬆軟淋香，油脂在口腔大爆發，但又食到陣陣的牛油香味~ 這個和牛沒有標明，但我覺得係A4和牛的級別啦~ 就是那種入口溶化的感覺~ 另外兩款都係牛排肉 上牛排肉的雪花明顯較多和密，當然價格也高D呀~ 不得不讚一讚這裏的烤爐，烤出非常漂亮的網紋，令人食指大動呢~  這裏的飯是我最愛的日本米，渾圓軟熟，配燒肉食，可以食個一大碗呢~ 上牛排肉的雪花也不少，所以油脂比起西冷差不了多少~ 但肉質較西冷實，牛味也較濃 牛排肉的雪花不是多，所有油脂相對較少 但肉質依然非常鬆軟，入口淋化 最後，還有一份薄切的牛舌 牛舌切得非常薄，輕燒一陣已經好快轉色 薄切的牛舌沒有厚切那般有嚼勁，但比較爽~ 牛味也是非常的濃烈呀~   老實說，食了那幾塊和牛燒，真係滿...

話咁快又到老公牛一啦~ 不過今日我請唔到假陪佢，唯有收工同佢去食正野~ 和牛燒肉‧純 因為就係我公司附近~HAHA 雖然咁近，但都係第一次黎 睇佢門口細細，估唔到入面咁大 除左一般的四人枱外 仲有呢D咁雅緻的半放式房間~私隱度好高，仲有勁濃的和式味~ 係餐廳中間有一張超大的ORDER 枱~  如果人多，仲可以包房，分別有6人房同8人房  房間最多可以2間房打通，坐到20人，最啱就係公司食飯啦 (我呢D公司娛樂部，最關心就係呢D ) 影完相，枱已SET好哂啦~  有調味料外，仲有沙律食~ 好鐘意呢個夾夾既設計 夾完放落枱唔怕掂到枱面污糟，又唔使特登攞隻碟黎裝住，非常聰明同細心的設計呀 呢度雖然話係食燒肉，但其實仲有好多日本野食 好似切身呀，壽司，窩物等等~ 生日嘛，當然要食好D  和牛和牛和牛 黎呢度當然要食和牛~ 特選日本產和牛肉眼 所有肉都可以選汁燒和盬 咁靚既和牛，當然要揀盬啦，咁先可以食到個份牛味呀~ 呢塊和牛肉眼真真不得了，入口即溶，牛味超濃 但又唔會食到成口好油好油，可以食到牛肉的肉質感 特選日本產和牛牛排肉 牛排肉的雪花同肉眼好唔同 佢係網狀的，不過分佈都好平均，令到燒出黎既肉質好柔軟 入口好香牛味 日本產和牛上牛排肉  呢款牛排肉雪花較少，肉質比和牛牛排肉實 如果唔太鐘意油脂滿口的，呢個牛排肉就好啱你 對比起之前兩2款，呢款的牛味亦稍淡 不過，依然係嫩滑美味 日本產豚腩肉 呢度既黑豚肉其實幾抵食同質素好好~ 比和牛平成半有多，但質素很好 肥豚肉經過燒烤後，變得甘香爽脆 如果想再乾身D，可以再燒耐D，減低油脂的豐膩感 但對我而言，肥爽肉就係呢款黑豚的賣點呢 爽口彈牙之餘，仲食到滿滿的膠原呢~  呢D格仔紋係咪好靚呢，成晚既燒肉都由我老公一手搞掂~XD 佢話，呢隻燒爐要先大火加熱，燒到紅先再中火落肉，咁D肉汁先可以鎖住係入面 ...

這一天，我們走過了八個年頭 八年的婚姻生活，有喜，有樂，有怨，有愁 一路走來，真的不是想像中的平坦 但尤幸在這天，坐在我身邊的，仍然是你~  因為愛牛的你，每年都選了西餐食牛扒 今年就來一個日本牛吧~ 未點菜，先來上一課吧~ 因為賣和牛，所以專業 以專業角度教授顧客和牛的知識，牛的不同部位 因為，只有賣 "真和牛" 才不怕專業的食家 真金不怕洪爐火 ，就如真感情也能抵抗一切的沖衝~ 位於商業大廈內的餐廳 地方雖不太大，但座位寬濶，位置寬敞， 每張枱都很大，可以放很多材料慢慢燒。 這種內置吸油煙的爐，除了免去那長長的吊筒外，吸力也不錯 炭用上了類似火石山之類的，沒有了一般炭的薰黑， 而且熱力更高，於要大火燒的燒肉是最佳的拍檔。 十分欣賞那個帶座設計的長夾，自己也可傲立於世，不需依傍亦干淨企理。 是夜肉拼 和牛西冷 / 牛舌 / 牛排肉 / 雞柳 日本產牛西冷 西冷選用了A4和牛 食和牛經驗，A4是最PERFECT 的 A5 的和牛，食一塊滿口油感，已經不能再繼續 唯有A4 和牛，既能有和牛的入口溶化口感，亦有牛的肉質感~  一絲絲的油份均勻地散佈在每條紋路~ 燒過後，脂膏溶了，和牛肉的纖維混合了~ 這就是為甚麼和牛可以有入口即溶的美妙感覺。 日本產牛排肉 牛排骨和和牛是完全不同感覺的兩種肉感~ 和牛就是情人，滿口情話，令人軟綿綿的 牛排骨則是那種實在的，有韌度的生活伙伴 每塊牛肋肉都呈現出剛強有力的紋理質感~ 加入了醬醃，味道更濃烈，佐以白飯是為最佳選擇~  牛舌 愛它的很愛，不愛它的很怕~  而我就係前者，特愛牛舌那種爽肉的感覺~  這裏的牛舌厚度有兒點特別~  本來愛食厚切的我擔心這樣薄會否失去了牛舌獨有的爽口感~ 但出來的效果話我知，這種厚度不但快熟易控制，仍可保持牛舌獨有的質感。 雖然主打和牛 雞柳水準仍偏高 醬醃過的雞柳，不會味道過濃，保持了雞柳的白肉特色。 ...