意料之外的抵食泰菜~CAMBO

-
The one 呢個商場的確唔好行
不過唔知點又好鬼多食肆開左係度~
呢間CAMBO應該都係開場功臣，由THE ONE 商場開業到依家啦~

CAMBO

CAMBO 位於商場的4/F, 雖然話係4/F, 但搭地梯好似上左好多層先到~

一上到4樓就會見到呢間以木為主的食肆~


餐廳無論入面，出面都呈長型。可能地方貴，D枱好似都好細張~XD 

商場的食肆成日都會變，CAMBO開得係度咁耐，應該都有佢既原因既~
其中一個原因應該是價錢親民
每個餸都係幾十至一百蚊度，甜品都係廿幾30蚊就有~

食特色菜，當然要點番D地道飲品，
今次叫左呢杯三色冰，椰汁濃度OK, 唔會稀到水咁
而且甜味都調得好好，唔會太甜




怕阿囡食唔到辣，叫左呢個泰式鴨肉湯河。估唔到係第一個上既菜
雖然話係泰式，不過放心，一D辣都無~
湯底望落好似好濃，以為好咸，但其實係濃味中帶甜，
湯河唔會碎濕濕，軟硬度都好適中。吸收左個湯底，正呀~
鴨肉亦唔會嚡，豬紅無乜味道，不過就幾爽。
最鐘意佢有好多通菜跟底，D通菜吸收左湯，比炒更好食~
(以59蚊黎計，我覺得幾超值~)





再黎就是呢個海南雞飯，又是為阿囡而設
只係62蚊咋，係晚餐時段食個套餐，仲要係THE ONE, 真係抵到無朋友
(FOOD COURT 都要啦)



成個海南雞飯有一碟雞，一碗湯，一碗油飯~
個湯很清甜，仲帶有淡淡的芫茜香氣，本黎以為個囡唔鐘意食菜會唔肯飲
點知佢一個飲哂~@@
雞其實無咩味，不過肉很嫩，皮好爽。
兩個醬，個豉油醬很奇怪，同平時食個D味有D唔同，又唔咸
不過個酸辣醬好得，甜甜辣辣~~ 如果佢D沙律都係用呢個醬實好好味，下次要試下先~


係門口掛左大大個牌寫住是日推介既2個煲，估唔到可以兩個都叫哂，當然要叫啦~XD

青咖喱軟殼蟹配法包

青咖喱是我很鐘意的一種咖喱，感覺很清新，唔似普通黃咖喱咁溜~


呢個青咖喱都做得比較淡口，算是少少辣程度
咖喱入面有好多料架，仲有我至愛的泰式茄子，吸收哂咖喱的香味~
個法國比想像中好呀，成條上，外脆內淋，用黎沾咖喱一流，吸盡咖喱~
不過，個軟殼蟹同炸薯仔就...... 個蟹超咸，同個D咖哩都唔係好夾，個薯仔炸左後又吸唔到D汁
建議叫青咖喱其他肉好了~

另一個是日推介

泰式明爐大蜆窩
一出黎個賣相已經好吸引~

D蜆真係超大隻架，有成隻手心咁大，而且 難得的是咁大隻都無沙而且唔韌~
佢個湯底是冬蔭公料，咪睇佢白雪雪咁，其實內藏辣味架
佢係酸酸辣辣個隻，好醒胃~
除左蜆同冬蔭公料，佢仲有一堆粉絲係底，不過個粉絲有D硬身，唔係太索汁
我估計係佢怕用太淋的粉絲煑幾煮會變爛~

 以上兩固煲都係有個明爐上，但熱滚後就不能較細火要關掉個火, 要不然就會煲到乾水
這個明爐設計要改善下了~

 是晚唯一遺憾是太飽，食唔落甜品了~ 下次一定要試下個甜品拼盤先~

 Cambo
尖沙咀彌敦道100號The ONE 4樓L403舖
如要聯絡本人，請電郵至： smonkichi@hotmail.com


留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容