玩樂無窮~DIVA PHOTO

-
自從阿囡出左世，我地去影樓影相都多左
因為想為佢既成長留番一D美麗的回憶~

雖然家下DC, 電話都好普遍
不過論質素，自己影同專業差好遠啦~XD

所以預約左位於官塘的

DIVA PHOTO 

今次影相，阿囡有得SET頭化妝, 對於貪靚的囡囡，真係末開拍，先興奮~


呢度雖然唔係佔地幾萬呎個D，不過都有唔同既場境俾大家揀架~



Diva photo 影好多結婚相，所以佢既STUDIO 入面有好多婚紗呀~



之前去STUDIO 影相，好多時都係影阿囡為主，我地只係過場影幾張
所以都無咩特別去諗
今次阿囡大左，好想影番一D有主題的家庭照，當是一個成長的階段~
因為自己好鐘意玩嘛，我都希望阿囡可以有一個開心的童年
所以今次影相的主題是~ 
"玩樂無窮" 

當然，都想同大家分享下影家庭照的少少心得

今次同攝影師BOOK時間，佢好希望我可以早D到~ 
開頭唔係好明，仲好衰咁諗佢地想早D收工~HAHA
原來，DIVA 的攝影都希望以自然光為主
自然光影出黎的光線溫柔好多，畫面亦溫馨好多架~
而且最重要係用自然光唔用閃光燈，確保BB同小朋友的眼睛不受傷嘛~

話明玩樂無窮，一切當然都同玩有關啦~

第一輯相就係以積木為主，小朋友個個都好鐘意玩砌積木架嘛~
影小朋友/家庭照時最好攞一D佢地平時玩開既玩具去
係陌生的環境見到自己熟悉既玩具，心情都會放鬆D架~


呢張相其實都只係就咁影而無執過，但對於我黎講已經好滿意
因為自然光既關係，唔會有用打燈出黎既偏色問題，人既膚色都健康D，自然好多~

呢張係攝影師執過既，兩樣差別都唔太大，而且都係以自然為主~


難得一家人著哂家庭裝，點都要影多D留念既~XD
家庭裝大家都好鐘意著，有歸一感嘛~
不過其實都未必下下要套裝上陣
例如上身著同一款T SHIRT, 下身牛仔衫但唔同色調都OK架
咁樣個畫面唔使咁悶，有番D層次嘛~XD



細個如果D畫有得貼堂真係好開心~
今次就玩貼堂，將阿囡呢2年黎返學的作品攞番出黎影相，留為紀念，作為一個成長的里程碑啦~


簡單的幾張拙作但係攝影師鏡頭下就變得好色彩繽紛，好開心~

阿囡見到自己D 大作 SHOW哂出黎，都不知幾得戚幾威呀~HAHA 


我同阿囡細個時都影過一張戴KITTY眼鏡既相


今次再影，成個感覺係咪好唔同呢~XD


女兒，無聲無息地長大了~ 

甚至，少女味也出來了~HAHA


而另一個家庭裝的選擇，可以是同一個色系
好似今次我地既色系係黑色加粉紅色, 雖然大家著既衫都好唔同，但無違和感架~
起碼爸爸都易接受D嘛~HAHA


玩嘛，當然發下夢，做下英雄啦~

今次變身 BARBIE PRINCESS
女仔做英雄都可以好PINK架~HAHA



囡囡要玩，DADDY 同MAMI 當然要奉陪到底啦~

壞人，當然係我地做啦~HAHA 


英雄，我地知錯啦~放過我啦~ T.T~

玩過英雄，當然要玩番阿囡最愛的煮飯仔啦~
想小朋友投入影相，當然要投其所好，玩番佢最鐘意既野嘛~

換上一身廚司衫的囡囡即刻好有大師FEEL呀~



專注認真的表情，永遠都係最吸引的~
你睇佢幾落力去煮~XD



阿囡做大廚，爸爸媽媽當然係客人啦，要試下佢既手勢嘛~



呢個小廚司真係好有HEART架，會問客人意見架~XD



做完廚司，我地去沙灘玩囉~


阿囡開心到呢，唔知以為真係去左沙灘~HAHA



自然光下，兩母女的泳衣照感覺係咪都好健康呢~XD



去完沙灘，今次扮貴婦先~
一袋2袋，絕對阿媽同阿囡的夢想呀~XD

當然，有個阿四拎野又真係幾爽既～HAHA



今次係DIVA 影相，大家都玩得好開心
平時阿囡都有D怕生，但攝影師叔叔自己都有小朋友，所以好快就同阿囡混熟左
影起相上黎氣氛都好好
加上無成套射燈射住哂，又唔會好多儀器放哂係度，小朋友好似去左人地屋企玩咁
心情都無咁緊張，自然笑容都多D啦~

同小朋友去影相，其實最重要係捕捉佢最真的一面
下下要佢3, 7 面，望鏡頭，影出黎既相只會覺得好生硬，好唔自然~
就當，同小朋友去玩一日啦~ 


以下仲有少少的影家庭相貼士俾大家參考下
1. 約時間影相最好係就番小朋友的作息時間。避開小朋友瞓午覺的時間~ 唔夠瞓的小朋友好唔合作架~
2. 記得帶番小朋友平時玩開的玩具去，有親切感，容易投入
3. 記得帶D小食或麵包去，小朋友影相時肚餓或扭計都無有怕
4. 可以帶唔同的道具去配合，例如同一件衫，加左眼罩同斗篷已經有唔同的感覺, 
成日換太多衫小朋友未必鐘意，覺得好煩架
5. 最後一樣，亦很重要，保持開心的心情去影，唔好因為小朋友唔肯配合而忟憎~
始終小朋友耐性有限，TAKE一個BREAK, 飲下野，再玩過，效果可能會更好~


睇完我D相，係咪都好有興趣去影番輯呢？

快D按入我 FANPAGE 登記，就可以有半價優惠架啦
手快有，手慢無架啦~

DIVA PHOTO
ADDRESS : Flat E, 12/F, Kwun Tong Industrial Centre, Phase 1, Kwun Tong, Kln.
TEL : +852 2388 8990


如要聯絡本人，請電郵至： smonkichi@hotmail.com



留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容