堅持傳統~ Haveli Authentic Indian Restaurant


8 月中,同阿囡去完銅鑼灣的中央圖書館吸收下靈氣~
之後就行左去清風街,見到呢間咁有特色的印度小店,當然要去試下啦~


呢間小店每一個角落都好有特色,屬於印度貴族的風格。
不過,有少少似沒落的貴族FEEL,暗淡中的金碧輝煌~
睇下,連D碟都係圍金邊架,D杯更係精緻,滿佈雕刻的花紋~
唯一少見的係印度餐廳比較少有的調味料同沙律油同醋都竟然係枱度~


每間印度餐廳調制出黎的醬汁都唔同
呢度既薄荷醬我覺得麻麻,唔夠清新,反而辣醬幾好味,少少酸中帶少少辣
啡色個PAT 醬似我地既豆板醬咁~XD 黑色個隻醬就有D似豉油~HAHA


胡椒餅嘛就有D失望,可能放得耐,淋左少少~唔夠脆~

呢度的菜式選擇好豐富,個MANUAL 有好多頁,睇到都唔知點揀好~


依沙特色野菌湯
感覺同我地平時既白湯差唔多。野菌味都幾香,同埋都好CREAMY, 但飲得多就有少少滯
店主好細心咁幫我地一開二,成家人叫一個飲就啱啱好~


本黎想叫燒雞,不過釀雞腿好似滑D~~


拎上枱覺得好靚呀,用手製的印度銀壺裝住,好有風味~
一份有兩隻雞腿,唔算好大隻,阿囡自己都KO左一隻~


好好奇釀雞腿會用咩釀,原來是用好多香料釀落去,
雞肉帶有淡淡的香料味,再烤過,皮香肉嫩。
如果你唔食辣,推介食呢個呀~

因為成本MANUAL都唔知叫乜好,店主推介呢個
~印式燉肉~


開頭擔心燉肉會好嚡
但估唔到咁大舊肉都可以做到肉質嫩滑,應該是香料的功勞
而且呢隻汁有D甜,又有D辣,好野味呀~

芝士同蒜蓉薄餅
呢度既烤餅好正宗,淨係見佢用塊紅布黎上枱就知係跟足傳統啦~


每間餐廳的烤餅都好唔同,有D好脆,有D好乾
而呢度既烤餅就是軟軟個種。
軟軟的烤餅好處是可以吸哂D醬汁,但壞處就係有D油膩,食兩塊就夠了~


食印度野當然要叫LASSI, 呢間LASSI 好細杯咁~HAHA
不過飲到好FRESH的芒果味呀~ 好似飲芒果汁咁~


我好鐘意試新野,當然要試下呢個印度甜品

點知..... 拎上枱時覺得,嘩,好靚呀~


食落口時覺得,嘩,好難食呀~XD
個湯水係甜到嘔既糖漿咁
而呢2粒白色的丸好似蔗渣咁~HAHA
異國文化真係未必樣樣都接受到呀~XD

Haveli Authentic Indian Restaurant
天后清風街20號地舖
2494 7000

如要聯絡本人,請電郵至: smonkichi@hotmail.com





留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®