人少少最啱食的蒸海鮮

-
蒸海鮮呢排咁hit, 點都要去試下架
不過個d幾多層， 都係一班人去先啱
我得阿媽同阿囡3條友，人少少又想試下蒸海鮮，所以去左呢度

潮福蒸汽石鍋

潮褔有好多分店，我地梗係去最近屋企既藍田店啦

酒樓既格局~
一入門口已經見到好大個魚缸同好多海鮮
仲有好多不同種類的海鮮，選擇都唔少



近門口放左個自助醬料，好似打邊爐咁
不過你用唔用都好，都要收番每位10蚊既醬料錢

張枱係特制既，將有一個計時開關制
不過成個蒸野既過程都係由店員做，呢個制我地都唔識搞

呢頂好似越南帽既野 大家係facebook都見唔少啦
佢其實係一個蓋，不過個底有個邊位會噴d蒸汽出黎，所以放既時候要留意番唔好對住自己
店員好似無sense 到呢樣野~


坐底見到有張紙寫燉野
38蚊一個，好似幾抵，叫左2個
以為係放落去燉，但原來係一早燉好左既湯
虫草花係係新鮮的，第一次食，感覺很滑~
螺頭較實，未燉出味
不過湯味亦比較濃~



另一個松茸茹就麻麻，個湯好肥好多油
都係媽媽煲既湯好飲D。


南非鮑魚加虫草花蒸，
鮑魚係8~10頭，都幾大隻。界刂哂花幾靚
口感好爽，熟得黎又唔韌
阿囡叉住成隻都咬到
係鮑魚感覺味偏淡，無細隻鮑咁甜





龍蝦特價98隻，每人限半隻，我地3個人就俾我地叫左2隻

加蒜蓉蒸，肉好鮮嫩，
唔似大龍蝦咁嚡口，感覺到食材真係好新鮮
啖啖肉既感覺真係好正~

睇餐牌時見到好多唔同既蜆，好多都唔知咩黎
經理話可以出去睇，不過佢過今日有蝴蝶蜆，即刻唔使睇哂
雖然成188一斤，不過真係超哂班既好味
好鮮甜，好爽
咩都唔使落，已經好好味~
必食推介呀


食咁多肉，當然要食番D菜
之前見OPENRICE D人都食呢個蒜蓉絲瓜，好靚呀~


絲瓜係去哂皮，所以好快熟，加左蒜蓉更惹味
不過如果留番少少皮更有咬口呢~


蒸完海鮮既精華都流哂去底，所以加粥底係指定動作啦~
叫左個瑤柱新淮山粥底
HKD 80 (細) 



其實係蒸海鮮之前店員已經將材料掉哂去個底度~
到蒸哂海鮮後再滾多幾分鐘就煲好啦~
(因為有少少意外，所以店員加左少少水，正常係咩水都唔加的)
米其實未爆開，感覺似食緊意大利飯
好滑既飯粒加好濃的汁咁~

溫馨提示：材料本身係新鮮無醃製，不過D蒜蓉就加左D味精啦~
如果對味精敏感人仕要小心，唔好諗住蒸野就唔留恴~

初時睇菜式單，基本上每款都要八九十蚊，單點既鮑魚都要68隻，感覺都唔平架~
不過最好係佢有折~，八點半前有8折，八點半後有七折
計番好似又抵番D~


飯後仲送上超甜的西瓜呢
呢度因為係酒樓黎，所以每位茶錢要12蚊，醬汁10蚊，再加一
雖然雜費係貴左少少
不過全程都有人幫你蒸野，分餸
而且D姐姐態度都唔錯，仲敎我地點食添~

埋單2大一細 7百幾蚊，以食海鮮黎計都算相宜啦~!
如果人少少又想食下蒸海鮮，呢度就最啱啦~


潮福蒸氣石鍋
藍田啟田道50號啟田商場4樓407舖


如要聯絡本人，請電郵至： smonkichi@hotmail.com




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容