日本食材，日本感覺~北海道爐端燒 Majimeya

-
老公難得放大假
除左要親子日，當然都要兩公婆去拍下拖
放工同佢去撐枱腳，搵左間居酒屋傾下計

北海道爐端燒
Majimeya

位於阿士厘道的樓上鋪，上到黎見到一整牆的酒樽，都幾震撼下~


好多細緻的日式擺設，烘托出居酒屋特有的溫暖感~ 


呢度的食物選擇比一般居酒屋多
由前菜/刺身/甜品/燒物都有供應

仲有好特別的芝士意粉供應添~


至於居酒屋，當然有唔少酒類啦~
呢度既酒種類超多
清酒價錢抵玩, 2, 3百蚊有一枝
仲有好多生果味HIGHBALL , SODA 同日本BEER

老公眼利，睇到廚房入面既MIXER全部都係來自日本架~

我點左杯 CHU HI
沖繩芒果秋海

味道偏淡，芒果味唔算好濃，亦唔會太甜，飲落唔覺有酒精味
但飲飲下會有少少醉意~XD

老公的SUNTORY，佢去親食日本野都點呢隻，因為平時係街少有喎~XD
呢款既啤酒味都唔會好勁，女仕都啱飲~


先上個浜燒海鮮


老公話要影影個爐，因為真係日本貨黎架
而且爐夠大，可以一次過燒2-3樣野都得~
全程都有人幫我地燒，繑埋手等食啦~HAHA


北海道甲羅燒
加有鵪鶉蛋，蟹膏，口感好CREAMY 
但又食到蟹肉既香味和絲絲質感~

呢度既蟹蓋燒味道唔會好咸，仲食到原材料的鮮味

北海道雜菇帆立貝牛油燒


帆立貝燒加左雜菇，菇吸左D帆立貝汁，好鮮味，又豐富
而且燒既時候候加入左牛油蒜蓉，超香甜的~
比平時淨燒帆立貝，呢個有創意亦更美味~

磯燒鮑魚

鮑魚唔算十分大，但入口好爽有嚼勁但又唔韌
亦有很濃的鮑魚味

不過有點可惜就係過火了，有燶味~ 

居酒屋當然要食串燒
鵪鶉蛋豚肉燒
大蔥雞肉燒

燒得有焦香，但無燶味
熟得黎又唔O鞋~

鵪鶉蛋入面有一半係流心，有爆漿的感覺，好得意
但流左出黎，快快手食左，影唔到~XD


點左個廚司發板切身拼盤

件件厚切，色澤超亮麗，一睇就知係靚野~


吞拿，色澤鮮紅，入口甘香嫩滑


三文魚，精選腩位，入口油脂豐盈，厚切口感十分滿足


牡丹蝦帶子刺身

牡丹蝦膠質滿滿的，帶子肉厚
配有少咸但很清爽的魚子同食
口感豐富又清新

那個WASABI 甜甜的，不太嗆喉，
怕WASABI 的我竟然食掉了半舊~@@

雷魚天然鹽一夜乾


一夜干唔係好多地方有得食
因為醃製過程都幾需要時間，功夫
鹽醃過的魚肉特別實淨，但又保留到鮮魚的質感


呢度用上了天然鹽醃製，味道偏淡，唔過咸
仲食到魚的鮮味，而且魚質滑溜
雖然魚細細，但啖啖肉，細肉唔算多
68蚊有2條，抵食~

題外話：呢度既廁所完全係日本模式
不論廁板，沖廁都係日本貨，好好玩~XD
仲細心地準備左衣架俾大家掛褸


北海道爐端燒 
Majimeya
尖沙咀亞士厘道27號捷利商業大廈3樓


如要聯絡本人，請電郵至： smonkichi@hotmail.com

Blog Link : The Ztyle Beauty Qooza She.com U Beauty Beautylife
Blogspot Beauty Exchange We Share Cosmo Elle Baby Kingdom




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙Emtr
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味,
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 RAY 的面膜纖維係比較天然 反觀「 ANJERI 」的面膜纖維就排列整齊好多，(明顯見到一條條橫紋)，比較人工化 氣味方面，「 ANJE
閱讀完整內容