90秒敷Mask新玩法~ FOREO UFO智臻面膜儀發佈會

- 7月 03, 2018

人人都敷MASK, 你估人人都鐘意敷MASK咩？

湊住小朋友，15分鐘都好奢侈架

因為個十幾分鐘瞓係度，瞓又瞓唔到, 個心仲掛住好多家務未做~好似好浪費時間
(敷住MASK 黎做野，一D都唔享受呀 T.T )

有時趕住要陪女瞓，沖完涼就即刻仆上床啦~ 邊有15分俾我搞 @@

但塊面又實在乾到癲，唔敷MASK又搞唔掂

FOREO 好明白我呢D心急人的需要

特別研發左一款超快速MASK ，90秒就可以敷完個MASK啦

咁厲害？當然要第一時間去睇睇

六月尾我就去左FOREO的新品發佈會

第一時間試一試呢部新出的MASK機及面膜

FOREO UFO智臻面膜儀

瑞典高端個人護理品牌FOREO全新推出的 UFO 智臻面膜儀

將智慧護膚推至另一顛峰，推翻傳統「敷面膜」模式，90秒完成智能光學美容

FOREO UFO共有三種顏色選擇，清涼的薄荷綠色、女生鍾情的粉紅色，

以及熱情如火的櫻桃紅，我就鐘意佢既薄荷綠色，望見都好FRESH AR~

UFO 的一面好似鏡會咁

而一面就係用作黎敷面膜的~
機仔細細，好似掌心咁大架咋，拎去邊都得啦~

與一般光學美容機不同，FOREO UFO能將面膜體驗與光學美容二合為一，

獨創的UFO Activated Mask技術，將韓國出色面膜配方，變身成超柔軟的超細纖維迷你面膜，
只需將迷你面膜置入機內，配合獨特設計功能模式即能進行面膜護理，激活有效精華成分，方便快捷

按下按鈕就可以開啟UFO ~
每按一次燈就會著多一下，代表不同的模式~

話明係智能美容，又點止咁少野

FOREO UFO可連接FOREO APPS 使用，利用手機遙控個性化面膜護理程序，

首先揀選適合自己的UFO面膜。使用前先SCAN一下面膜盒的BAR CODE

UFO就會發出特定的模式配合面膜，每款面膜配合特定的多光譜光波模式、
冷凝和熱能以及聲波震動程式，令護膚效果大大提升

FOREO UFO 獨創的高能導入科技，利用肌膚對冷和熱的自然反應及T-Sonic脈動特點，

將面膜有效成分導入肌膚底層，並可調節冷凝和熱能模式，進行不同功效的護理程序。

仲可以跟住APPS 入面既提示去按摩，唔怕大頭蝦按到亂哂添~

至於T-Sonic 的感覺就係有D微微的震動~

開始時, UFO 會啓動熱能模式，溫度會逐漸升高， UFO利用熱力將活性成份瞬間導入肌底。
溫度比想像中熱喎，咁當然又唔會勁辣個，我估大約39-40度啦~

當做完熱能模式後，UFO 就會轉入冷凍模式。

冷凝技術是獨家研發的模式，有助提升和緊緻肌膚

幫你將頭先張開的毛孔收縮番，減輕浮腫。

FOREO UFO不止是面膜機，亦是先進的多光譜光波美容機，
有三種多光譜光波模式，包括抗痘的藍光、有助均勻膚色的綠光，與及具有提升緊緻效能的紅光，

肌膚在三種不同光頻的交替作用下，可全方位改善肌膚問題，瞬間提升肌膚質素

至於配合UFO 的韓國面膜，有七款咁多，可以因應番肌膚的需要去選擇架~

** 日間保濕鎖水面膜 - 保濕補水  預防外界污染
** 夜間密集滋養面膜 - 煥顔緊致
** 海洋藍潤澤補水面膜 -  高保濕補水
** 桃花粉亮晰晶煥面膜櫻桃紅 - 晶瑩亮采
** 光采明眸眼膜薄荷綠 -   提亮眼部周圍肌膚
** 清透控油面膜 -  清爽淨顔
**  丁香紫彈力緊實面膜 - 再現年輕飽滿膚質

當晚職員幫我隻手敷左90秒的日間保濕鎖水面膜，當時只覺幾水潤呀~
但當回家沖完涼後，簡直驚為天人呀~
真係無諗過敷一次90秒就咁有效果
用左UFO個邊隻手，明顯白左好多，滑左好多，連D細紋都淡哂
連平時無SENSE 既老公都感覺到2隻手的分別呀~
(講多次，係已經沖左涼啦)
真心堅~