大西北的日式料理~


星期天,FAMILY DAY
當然和家人到處走走,食食
今天,走入了元朗食放題~

元朗有很多日式料理,但放題好像沒有很多~

所以我理解為 為何這裏行得較僻,但生意仍那麼好~
天未黑,門口已排了長長的人龍,越夜越多人~
不過,這個佔地很廣的店鋪,容納不是問題吧~

原來這間放題還有外賣服務的~~
元朗的朋友可留意下啦~


放題嘛,食物種類也不能少吧~

這裏的價錢牌有夠複雜的~@@ 
總之就是我星期日去食 6:15時段,每位連加一  HKD 218就是了~

註:小童一米以下免費的~
所以當天一家3口埋單只係 HKD 436~^^


除左基本價外,還有另外的特選食物可加錢升級任食
幾十元任食生蠔,松葉蟹算不錯
不過我想落ORDER 時已沒有松葉蟹選了~(咁早就無哂~@@) 
生蠔我又麻麻,最後放棄無再加了~

呢度既飲品係任飲,要自己出去拎既,都幾好,唔使下下等佢拎黎~
而且飲品都幾特別呀,有LOTTE 既芒果汁同石榴汁~^^ 仲有 "Hite " 既啤酒添~
呢度真係幾大,有2個場,所以佢可以用唔同場黎分時段,好醒目既做法呀~
不過細房感覺較侷促,有櫈貼櫈既場面出現。如果坐到最入,真係成餐飯唔使行出黎~
同埋可能通風系列麻麻,一入去時聞到好大陣壽司醋個隻酸味呀~


呢D既食物同普通放題差唔多,有熱飲 好SUPRISE 呀~ 

最搞笑係我地坐底時 待應會同我講, 你枱號係幾多,落單時記得寫~
只係口傳,好鬼驚唔記得呀~HAHA 即刻用張紙寫低先~XD

第一輪,食刺身係常識吧~
食材唔差,無根,無雪,帶子都好滑~
其中最好係個蝦,爽口~
不過呢度既刺身唔算係大塊,三文魚更係角切, 顯得有D碎濕濕咁~
希靈魚都有D腥味~ 我接受唔到~XD

因為有小朋友關係,點左唔少熟食既壽司~
壽司製作都好認真,唔會因為係放題而求其整
每一件都整得好好~
呢度既壽司飯真係唔錯,味道可口,少暖唔凍,仲唔會一夾即散~
作為食客,建議唔使整咁大舊,好飽~XD

比起冷盤,尼度既熟食有驚喜~

每一款都整得好好味,更加唔會係全部一種味~
 豚肉片,牛仔粒都好入味,又唔韌
牛舌雍落去較干較熟,但入口都可以喎,無根唔韌,但無乜味~ 
羊扒既根就多左少少,不過羊質都唔差,味都調得幾好~
不過有少少羊'羶" 味,唔鐘意食既未必鐘意~

反而串燒就有D失望,燒得過干,變哂肉乾
而且受火唔均勻,有一邊燶哂~
但燒蕃薯仔係推介呀,只要去除燶左既皮,蕃薯肉甜甜地帶有少少焦香
阿囡食完又食~HAHA


呢個蒜香牛油煎帆立貝,帶子熟得剛剛好,唔會韌 ,就連邊都好易咬~
而且個調汁幾好~

再黎都係熱食,今次係煎炸野`
炸得都好金黃鬆脆
比起燒物好好多~

明天子雞翼好足料 (不過我覺得明太子好咸~XD) 
呢2個波波係芝士年糕(白) 同炸芋圓 (黃)
蕃薯波入面有黃同紫兩隻色,半溶,甜甜地,好好味~
年糕D粉好似末搓勻咁,怪怪的~
餃子唔推介呀,死實既肉,味道又奇怪~ >< 
另一邊既天婦羅同鑲蟹蓋都幾好
茄子係全熟架,軟身的,配上炸漿內軟外脆~
(感動中,因為好少可以係街食到熟透,軟軟既茄子呀~T.T)

鑲蟹蓋都算係工夫菜吧~
而且呢度仲焗到個面金黃同脆,上枱都仲係熟住出煙既~
放題黎講真係要加分架~
不過味道就一般,無咩驚喜。建議加入少少薯仔粒增加口感就更PERFECT ~

後加的串燒翠肉瓜同蠔,串燒翠肉瓜比之前的燒肉好好多。
起碼熟得黎有水份,唔係干淨淨
蠔嘛,我唔食,亦唔識評~XD  

呢度既甜品,都算係呢度既其中之一賣點~
MOVENPICK 雪糕~
(注意:每人只限一盒,只有士多啤梨味~)

所以比起士多啤梨味,我老公寧願食雀巢芝麻~XD

呢度既食物質素唔太差
唔會因為放題就求其整PAT野俾你
熱食更加有驚喜~上枱時都真係熱架,唔會凍冰冰~
而且味道都幾可口~ 

頭一兩轉落單都上齊,係尾入紙時會出現漏單。
建議最好 1 /2次過入哂~
200蚊,以呢個質素既放題, 我覺得可接受~將貨就價吧~
現在的200元,實在不見使呀~  >< 

雋太日本料理 
Shun Ta Japanese Restaurant
元朗西裕街達輝徑1號足彬大廈1號地舖
TEL : 2359 9722


如要聯絡本人,請電郵至: smonkichi@hotmail.com

Pls follow me : 
My Blog Link :






留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®