助你補眠的護膚品~NUXE NUXELLENCE® DETOX 花妍細胞淨化晚間基底液

-


早前出席左NUXE 的新品發佈會
帶左佢回家~

NUXE NUXELLENCE® DETOX
Detoxifying and youth revealing Anti-aging care
花妍細胞淨化晚間基底液


雖然基底液有分早，同晚
但大家都知夜晚先知係排毒既黃金時間，
只有係瞓著時身體先會自行更新排毒
前文都已提到呢隻基底液既原理由最基本既源頭細胞開始
至於原理同成份，可以睇番 ---> <<舊文回顧>>

呢隻基底液有成50ML 咁多~
都幾重手同大枝~


裏裏外外紫色既包裝，我覺得好浪漫，好討好~

品牌貫徹一如以往的環保包裝概念
將所有資料，成份同說明都印哂係包裝既裏裏外外
而且所有包裝都係用RECYCLE 紙
保護環境，愛惜地球
絕對係值得支持的~


成份方面上網查過一篇
除左Tocopherols 抗化劑可促進皮膚癒合及減少疤痕形成, 
但亦有輕微致敏及粉刺既可能外，其他成份都屬於安全的
而使用的防腐劑Benzyl Alcohol 亦都屬安全成份，
甚至被列為歐盟核可 ECOCERT成分， 
可添加於宣稱天然有機的保養品之中
其他好多EXTRACT 都係天然既萃取物，屬天然成份~
3種花卉成份的萃取物 – 西蕃蓮、牛舌草及虞美人
有效修復受損線粒體DNA和刺激細胞活動能量


最鐘意佢個蓋，係扭蓋式的~
只要輕輕一扭，就可以伸個泵嘴出黎



最啱我呢D大頭蝦會成日跌蓋同唔見蓋~
不過有時會因為搽左其他護膚品，手太滑而開唔到~XD

講番產品先~ 



Nuxe 呢隻基底液係設計俾護膚既第一步

搽上呢隻基底液後可以令到後續既產品更易吸收~
當然佢有寫係可以單獨使用或配合其他護膚品用~

睇番佢既質感，並唔係一般的透白液體狀
而係幾滋滑既CREAM狀
推開後雖然都薄身，而且質感亦很細滑




不過都需要加上按摩才能令產品完全吸收~

早前係冬天使用時，搽上呢隻基底液 (其實係咪應該叫基底霜~) 按2下， 加上一隻補濕精華
再配合埋
NUXEMERVEILLANCE®expert 
魅力凝肌專業抗皺面霜 CORRECTING CREAM


香港人十個有九個半唔夠瞓，瞓得幾個字得幾個字
尼枝基底液既其中一個功能就係幫你補眠
好似瞓多左2個鐘咁

捱夜後的皮膚的確比較干同缺水，而且皮孔都張開口了~
但使用基底液後無疑可減低睡眠不足的干枯感~
早起時都無油光滿面
就算前排冷風吹，開暖氣都完全抵得住
亦如資料所說的早上的光澤感增強了

最近天氣回南，比較濕濕立立
按2下既份量好似過多了
變成了按一下就感覺剛剛好
不過本身係熟齡肌，缺水偏干所以感覺滋潤度OK

但對於輕熟肌及油性肌, 可能真如資料所說的，單用就夠了~


以上資料及產品由莎莎化粧品有限公司及品牌提供

如要聯絡本人，請電郵至： smonkichi@hotmail.com
My Blog Link :
The Ztyle Beauty Qooza She.com U Beauty Beautylife Blogspot BE








留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容