初春美白工程の開展~ POLA White Shot CX & SX 登場禮
收到邀請時真係高興到係自己個位彈起~XD
講緊既，係 POLA 的 新品發佈會
POLA 呢個品牌，真係細細個就聽過
今次係 POLA 既新美白產品 WHITE SHOT 系列發佈會
為即將黎緊既夏天做好準備~
選址係太古城既東隅酒店 (EAST HOTEL) 酒店~
甫一入場已見到大大少少POLA WHITE SHOT 系列的佈置~
整個場以黑白為主，帶有整齊潔白既感覺。很配合 WHITE SHOT 的主題~
大會更安排了一個漫畫家，三分鐘就畫出左我個樣
好勁呀。 大家覺得似唔似我呢？
POLA 的工作人員都好熱心咁介紹今日既活動
好熱情咁同我地分享心得
最窩心係席上設有我個名，感覺被尊重~ ^^
講番少少POLA 既歷史先。其實POLA 係日本係一個好古老既牌子
由創辦人鈴木忍先生為妻子研發出第一瓶護手霜開始到今已有84年啦~ (好浪漫呀)
係1958年已經推出左泡沫面膜，係咪好勁呢~
( 原來泡沬面膜有咁耐歷史，唔講真係唔知, 仲以為係新科技添~XD)
多年黎研發出多個影響現今美容界既技術，例如加入透明質酸，引入高滲透美白成份維他命C誘導體
美白成份RUCINOL , 呢D現今好常見的技術同名稱，原來始創自POLA ~
POLA係2008年 推出既B.A 活肌再生系列，不單成為品牌既皇牌，更掀起了"抗醣美白"既熱潮
呢SET 咁高貴既包裝既，就係皇牌B.A 活肌再生系列
佢包括有清潔霜，洗面膏，化妝水，乳霜，泡沫面膏 (面膜) 眼霜，以及按摩膏
POLA好推崇按摩。而且大力提倡按摩對美容既重要性
當日亦有教大家點樣去護膚及按摩~
講左咁耐，係時候到主角WHITE SHOT 系列登場啦~
WHITE SHOT 既美白系列共有兩隻精華
WHITE SHOT CX 及WHITE SHOT SX
雙效袪斑精華
呢兩款精華都含有POLA自行研發既SC Liquid 成份
原來我地人體本身都有清除基因 WAMP1，只要有效控乮呢個基因，就可以提升肌膚既袪斑能力。
而POLA的SC Liquid 成份就可以提升細胞代謝及促進自我清除功能。
加入另一個有效既美白成份 Rucinol EX 就可以進入黑色素細胞，阻截黑色素形成。
呢個肥肥地樽身就係 WHITE SHOT CX
適合用於全面
內含YAC Extract 及 EG Clear Extract 兩種POLA獨家的抗醣分成分能清除AGES 醣化物，改善暗沉泛黃既膚色
外面肥肥地，估唔到個泵嘴咁細粒可愛~
呢個精華質感非常近似水，每次只要用二泵就可搽混全塊面。
而且吸收度勁快速，呢頭搽完，o個頭已經吸收哂~
質感清爽，好適合夏天使用。
對後繼既護膚品都唔會造成任何負擔。
而另一款White Shot 系列成員，就係呢枝似EYE CREAM 的
WHITE SHOT SX
HKD 1,080 20g
呢枝唔可以全面用架，要好似暗瘡膏咁點係有斑點既位置
因為每次份量都好少，所以佢個嘴都好細下
質地似凝膠狀~
推開後可以見到係一PAT PAT 好豬油膏咁~
而且推開後會形成一塊保護膜咁~ 亦唔係咁易吸收
因為佢會覆蓋係斑點上，利用M-shooter 及 Clearnol 兩種分解過脂化黑色素，雙效袪斑。
用法：使用面霜後 將SX搽係斑點位，再按實五秒，之後用手指以打圈至吸引~
原理係利用人體既熱力幫助皮膚吸收~
雖然成千蚊只有20g，但每次用既份量都好少，所以呢枝都應該有排用。性價比其實都幾高。
今天就帶了WHITE SHOT CX 及SX 回家，展開我既美白工程啦~
大家拭目以待呀~ ^^
再次多謝Jessica Code & JMEN 以及POLA的邀請~
POLA WHITE SHOT 銷售點
Harvey Nichols 中環店
太古廣場
尖沙咀The ONE Beauty Bazaar
尖沙咀崇光百貨
如要聯絡本人，請電郵至： smonkichi@hotmail.com
Pls follow me :
Fanpge : www.facebook.com/smonkichi
Instagram : https://instagram.com/smonkichi/
My Blog Link :
留言
張貼留言