精緻抵食15蚊泰式船河 ~ 泰筏味泰國船河專門店

-
去泰國，我最鐘意食既唔係魚翅，唔係榴槤
而係街邊一檔檔既金邊粉
最記得以前成日一袋袋咁外賣返酒店食
之前FACEBOOK 介紹有間食泰國船河既餐廳
就趁星期日出去旺角行街時去回味下先

泰筏味泰國船河專門店


呢間位於塘尾道既餐廳，老實講，有少少吊腳
如果唔係有心黎，真係好少機會黎到呢頭~
不過為左呢個粉，行遠少少又點話~ 

雖然係食泰國野，店內除左個四面佛外(神像唔好影相嘛)，其他都同一般餐廳無乜分別~ 


佔地都幾廣，有2邊廳，加埋都成50-60個位~


入門口就看到呢個餐牌啦，基本上全部既野食都係哂度


睇啱食咩就去櫃位落單，之後就可以坐低等食~ 

今日黎到時啱好係3點，下午茶時間~ 
嘩，下午茶 竟然係15蚊麵
同正常既40蚊差3倍咁多 @@ 

問左待應，原來40蚊就係正常份量，15蚊就係細碗份量

除左粉麵外，呢度仲有好多泰式小食，雖然無下午茶價
但全部都係廿幾蚊至4X幾蚊，超級抵食~ 


呢度仲有個靚湯任裝


實材實料，勁似阿媽靚湯~ 

呢度既醬料籃都超級齊料，有齊哂泰式既辣椒粉/魚露/酸醋同糖
而且全部干淨整齊清潔，值得一讚~ 


食粉麵加5蚊或8蚊就可以有野飲


有多種泰式特色飲品，好似龍眼冰/珍多冰/菠蘿冰等等

叫左珍多冰/凍啡
珍多冰既綠豆條條有D過淋，但椰奶底唔太甜，幾香滑~ 咁既價錢都抵飲
凍咖啡反而有D驚喜，有啡味，奶香，又唔太死甜~ 

呢度上菜都超快，話咁快已經上左八八九九啦~ 開餐啦~ 


前菜
生蝦刺身
HKD 48

隻隻生蝦都超級肥美有肉，肉質爽得黎又有膠~

再點埋呢個清新的生蝦辣汁，真係想再ENCORE~


因為姐姐話份量唔多，又平，於是一口氣叫左四個粉
雖然係下午茶特價，但一D都唔馬虎
每個碗都有齊哂九層塔等既香料

個湯底看似很濃味，但味道濃淡適中~

牛肚金邊粉牛肚好入味，仲超淋~ 

札肉有厚厚的三塊，爽口又有勁，有少少胡椒辣~


豬雜每樣都好入味，而且份量都唔少~


再黎個牛丸，爽口彈牙，可惜我食得半粒，因為俾囡囡KO哂了~HAHA ~


金邊粉好有O趙勁~好煙韌


當然唔少得最重要個舊蘿蔔啦，見到D色都知佢入哂味~ 最重要係無渣


除左金邊粉，仲有呢個創新的綠茶麵，雖然綠茶味無乜，但竟然同個泰式湯底好夾
麵身扁扁地，感覺有D似福字麵既感覺
當然，師傳都煮得好好，條條分明又唔爽口~ 


呢個泰式魚餅都只係28蚊，有成4塊咁多，仲要係新鮮熱辣~


最後黎個海南雞飯~
HKD 45
呢個係正常價黎架啦~ 


雞肉真係好有驚喜，超級滑同嫩，比起好多出名的海南雞仲要滑~
但又唔會生勾勾出哂血，正~


唯一差少少係個飯比較糊，多水左少少，改善下就PERFECT 啦~ 
P.S. 沾雞的姜蓉都超級好味~

呢個甜品芒果糯米飯，睇樣就普普通通，但芒果唔酸又無渣
椰汁夠香，糯米飯係綠色的，好特別，而且口感超煙韌


初入黎呢間鋪時，感覺的確唔太好，好似普通茶記，又無乜泰式靚裝修，
但估唔到食物咁出色，而且價錢亦好超值~ 

如果地點好D的話，再包裝下，應該可以大賣~

泰筏味泰國船河專門店 
Nittaya Bistro
大角咀塘尾道27-41號百勝大廈地下1-3號舖


如要聯絡本人，請電郵至： smonkichi@hotmail.com




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容