外表新潮，用料堅持~潮丸 Chiu Ball
早幾年係咁開藥房既金馬倫道
家下終於叫正常番，開番好多食肆
是日要去做 YOGA, 之前快手食個河粉先
潮丸
Chiu Ball
就咁睇面門，你真係好難估佢係食河粉的~
入到去，更加覺得唔似喎
食河粉一直俾人既感覺都好老店，好傳統舊式，一係就茶記囉~
好似呢D咁新式的設計，點睇都聯想唔到係食河粉~
食河粉，個辣椒好緊要 (對我黎講)
呢度既辣椒都好干淨整齊咁放係枱面
食都食得安心D (舊式個D，你懂的)
辣椒醬都有3款, 除左傳統的辣椒油外，仲有紅椒醬和黃椒醬
2者比平時的辣椒油多左一份蔬菜的清香
我尤愛食黃椒醬，特別清新口感
跟餐加錢可以加野飲或特飯
柚子蜜加話梅
叫左少冰 但都仍然咁多冰 @@
柚子蜜幾香，都算濃
話梅味就唔係好出到，可能凍水既關係囉～
主角黎啦～
是日叫左秘製豬三鮮（豬肉丸﹑腩肉和扎肉)
HKD 55
再追加左2粒招牌菜 牛丸 （+15蚊)
超級大的一碗~ @@
冬菜，蔥花，芫茜，芽菜可以要求大量，我最鐘意
豬肉丸外型唔算特別
比起牛丸細一半，但有好濃香的豬肉味, 肉爽彈牙
腩肉都真係幾肥美
期待佢會有滷過的濃味，不過就無囉~
有豬肉味，但肥肉唔算特別爽
食越式扎肉就食得多，中式呢隻好似未試過~
扎肉好大塊好厚，仲有2塊添~
肥肉和瘦肉均勻地分佈哂係塊扎肉度~
見唔見到一粒粒透明既就係肥肉啦~
食落同泰式扎肉又真係幾似，但佢比較有肉的質感
唔似泰式個D咁膠咁假~
很重豬肉味，但食完一塊會覺得有D有少少膩~(因為肥油都唔少) XD
如果落多少少胡椒落去，可以更去到那種油膩感~
牛丸，超大的一粒，比起豬肉丸大一半倍都有
牛丸是類似牛根丸咁，有肉質，有咬口，唔似平時 一舊麵粉頭~
最重要係食到有牛肉味，呢樣野，好似失傳多年咁~@@
粉麵方面可以揀麵﹑米線﹑米粉﹑河粉和淨底
我覺得食魚粉牛丸，一定要跟河粉囉~
河粉用上金邊粉~ 份量..... 好大
我最後只能食左一半咋~ 已經飽到........
(陣間仲要做YOGA~@@)
炸鯪魚球
HKD 30
幾大粒，外皮炸得金黃香脆
入面食到一舊舊的鯪魚肉，混左大量的蒽，好香，仲有魚味~
依家出街食丸，好多都係來貨，成舊粉頭
牛丸無牛味，豬肉丸無豬肉九，食咩丸都係一個味精咸味~
最慘係質感似膠波，實實硬硬~
呢度的丸全部都係自己工場自制
而且又唔會做到好咸，真係食到食物的原味
睇到老闆對食材的執著
亦是對客人的一份心意~
我問朋友，上面個豬肉三寶粉河55蚊抵唔抵？
佢答，一個泰式河粉得2片牛肉 都要60-70蚊
一個日式拉麵得2片叉燒都要成舊水
經佢咁計，我覺得呢碗河粉又真係幾超值喎~
潮丸
Chiu Ball
尖沙咀金馬倫道21C號地舖
如要聯絡本人，請電郵至： smonkichi@hotmail.com
留言
張貼留言