陶醉在中西交融的九十年代真香港 ~ Cheers
有一段時間沒有來黑布街，想不到己變成CAFE 之街，開了很多有特色的CAFE
而這一間的門口，確實有夠吸晴的
那2個只穿上衣的公仔，反映了店主的幽默感
對呀，來CAFE 就係要開心呢~
這裏有濃厚的英倫風格
但牆上則掛滿了舊香港的照片
這種中西交融的風格，正正就係香港最輝煌的時期~
而店內播放著全是90年代的粵歌，學友，BEYOND, SAMMI，
每一首歌都哴哴上口
那個時期也是香港樂壇的輝煌時期，也是讓人懷念的時光~
來這裏，飲手工啤是頭等事~
店內供應著店主精心挑選的手工啤，更細心地將手工啤的成份，味道描繪出來
而且還加了趣味的名字
萬佛朝宗 / 街頭巷尾/ 冰山雪蓮 / 大圍。肆 / 紅唇烈焰 /
好多更係富有香港特色，香港人先明架~XD
我比較愛FRESH 和SWEET 的口味~
這個龍皇福建柚香就正中我口味~
中式葫蘆型的酒瓶盛載了西式啤酒
貫徹了中西融合的主題~
啤酒芳香撲鼻，未入口已能感受到那香甜的柚香
入口很清淡，沒有了啤酒的苦澀，而是一種回味的甘香。
這個我喝過最香甜的啤酒，愛清新的女仕們一定要嚐一嚐呀~
同行的男性友人點了杯味道較濃列的
冰山雪蓮
係獅子山啤酒廠LION ROCK 的出品
啤酒有香港人的獅子山精神，刻苦耐勞，重麥味和甘味
食物有十二款
但每款都很有特色，好少有
因為店主將中式的家常菜混入了西式的煮法
將平時食開的沙薑加入西多士
將碗仔翅凍湯加入啤酒泡
每款菜都好新，好想試
小西灣軍師雞
HKD 88
聽個名就知呢味菜來自小西灣
店主求得家傳秘方，所有醃料和醬都係店主自家製
調味粉帶有種香草，並加有少少辣，
比起平時既韓食炸雞味道多左層複雜和細膩的層次
炸漿厚薄適中，仲唔會吉親個口~
雞肉炸完仲好嫩滑，睇得出的JUICY~
雞同鴨講
HKD 78
呢個係中，西，台的混合做法
同行朋友非常喜歡台式刈包，所以點呢個實無錯~
雞用上了西檸雞的做法，比平時中式西檸雞酸味較溫和
當然都經過店主改良，加入了自家秘製~
那個汁令雞肉和雞肉很夾，雞肉亦很keep 住一貫的嫩滑~
而一個係煙鴨胸，加入了好似北京填鴨的醬汁
有那一種新的體驗~
這個pizze 並唔係普通食開既pizza
而係中西相融的pizza
因為佢上面的料係用左中式的麻婆豆腐
HKD 128
未上菜時實在都有點兒擔心，點樣將麻婆豆腐整成個PIZZA ？
但估唔到兩者竟然非常配合，一點也沒有違合感。
最特別PIZZA 的餅底，非常的鬆化~
除左麻婆豆腐，仲有魚香茄子和梅菜炆冬菇PIZZA,
尤其係梅菜炆冬菇，真係想像唔到係點，下次要再黎試埋佢
註：店主話會不停研究新菜式，可能下次黎又有新驚喜添~
呢度有個好特別的朋友牆
大家可以係度搵番D志同道合既朋友，好似鐘意行山，鐘意睇戲，等等
然後留低你CONTACT，當事人就可以搵你一齊去玩架啦~
不過，玩呢個都有個規舉架
首先，你要搵一個志和道合朋友留個CONTACT ，先至可以再係度留低你想搵既知音。
驚寫左無人理？唔使驚，因為呢度好多客人都已經變成熟客啦~佢地成日都黎打躉架~XD
Cheers
旺角黑布街13號地下
如要聯絡本人，請電郵至： smonkichi@hotmail.com
留言
張貼留言