平得過份的海洋鐵板餐~~ The Story Cafe and Bakery
約左住青衣的朋友見面
第一次由尖東坐西鐵去青衣，都幾快，半個鐘就到
不過轉車轉到有D頭暈，成日差D行錯路轉錯車
搵地方坐低等佢，見到呢間野幾靚咁噃~
原來食鐵板野，賣相都唔差，就入去坐啦~
門口既廚櫃仲有麵包同蛋糕賣蛋糕賣相都幾靚~
餐牌共有4頁， 分為主食2頁，飲品及甜品各一頁
呢度主打鐵板，主食既扒同意粉.飯等都係以鐵板上
最驚喜係價錢超級超級抵, 一個飯都係四十幾，五十幾蚊
變餐都係加多十蚊咋，己經有湯/飽/餐熱!
以呢個環境，呢個地段，真係平得過份，仲抵食過快餐集團同茶記呀
成個環境以海洋為主，藍藍的天配以紅色磚牆
感覺很和諧舒服，好似置身於寧靜既海洋
餐餐跟上的例湯
南瓜湯
餐具同賣相都好靚
湯夠熱，飽夠軟，不過湯既味道偏淡，同埋有D結到一粒粒咁~
朋友的藍莓沙冰，非常精緻的擺設，味道有濃濃的藍莓香味，唔會好化學
我的海洋
"南極大陸" (青檸梳打沙冰及雪糕)
望落已經非常的清涼
以海為題，藍藍的沙冰配上一粒黃色的星星啫喱，很有童真~
味道係甜甜的，沒有很酸，清清涼涼，冰也很幼滑~
配埋呢個雪糕，簡直係冰上添雪啦~
咖喱牛肉溫泉蛋芝士焗飯
HKD 65/套餐
首先要讚下呢個鐵板係堅熱，好耐熱，D飯一路食都仲係熱，非常好
飯入面的牛肉非常的多，而且最開心係有大量的蔬果，可以減去芝士的膩
咖喱偏近日式個隻，很香咖喱味，但辣度不高~ 唔會好辣
牛的話，因為都切到幾大舊，成舊食有D難咬
如果切細黎食就會變得好好多
牛很高興不是用梳打粉醃得淋淋那種，而係還有牛肉的肉質
鐵板慢煮春雞仔
HKD 58/套餐
汁揀左黑椒，自己淋上去，真係有咋咋咋聲，好有XX餐廳的童年回憶~XD
雖然係半隻春雞，但肉都唔少
皮很香脆，沒有肥膏，可以連皮食呀
雞脾位較滑，雞胸位肉就O鞋左少少，但整體係OK的~
最開心又係跟餐有大量的蔬菜，仲有大半條粟米添~
D蔬菜熟得剛好，雖然係伴菜但唔會煮到淋PAT PAT~
呢度係海洋為題，就連小碟都係印有海洋動物，超有心的設計呀~
除左主食外，其實呢度既甜品都係主打黎~
有一個大透明的廚房，可以見到廚司即叫即製甜品架~
望住個廚房，睇住自己甜品由零開始，到最後靚靚咁上枱，都幾治癒 ~ XD
海洋館，當然要叫番個海洋題的甜品
海之星窩夫
HKD 55
蟹仔造型的窩夫非常可愛呀~
仲有D餅碎扮沙灘，貝殼造型的啫喱，非常得意~
當然，唔少呢個藍莓芝士雪糕啦~!
睇住佢倒窩夫漿，開始都唔知係咩樣，最後變左隻蟹仔，非常可愛
原來蟹仔入面仲有吉士，少少甜，配合外面脆脆入面鬆軟的窩夫，美味可口
最後，來多個日式甜品
鐵板抺茶布朗尼配雲呢拿雪糕
最正的一刻，當然係將抺茶倒落個鐵皮度，滾住食既甜品，真係第一次呀~XD
熱熱的抺茶配冰冰的雪糕，真係好特別的體驗
我最鐘意那個抹茶BROWNIE，以往食朱古力BROWNIE 都覺得好甜
但呢個改成抺茶後，甜度減低了，反而多了抺茶的清香
一改以往BROWNIE 甜到嘔的印象~
一羣正在浸浴的甜品~XD
呢度真係超級抵食，食物又靚又好坐
下次同囡囡去完迪士尼，要帶佢黎試一下先~佢見到隻蟹仔一定爆開心呀~
The Story Cafe and Bakery
青衣青敬路33號青衣城1樓117號舖
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言